00:00:00 IGIHE NETWORK KN KINYARWANDA EN ENGLISH FR FRANCAIS

UEFA Europa League: Arsenal yisanze hamwe na Bodø/Glimt ikinamo Umunyarwanda

Yanditswe na Iradukunda Olivier
Kuya 26 August 2022 saa 06:11
Yasuwe :

Amakipe azakina Europa League yo mu mwaka w’imikino wa 2022-2023 yamenye amatsinda aherereyemo, Arsenal yisanga mu itsinda rimwe na Bodø/Glimt yo muri Norvège ikinamo umunyarwanda.

Ni amakipe 32 yagabanye amatsinda umunani yose azahatanira iki gikombe aho buri tsinda rigizwe n’amakipe ane.

Ikipe izazamuka muri ebyiri za mbere mu itsinda izakina icyiciro gikurikiyeho cya 1/8, izindi kipe zive mu irushanwa.

Itsinda rya mbere ariryo ririmo ikipe iri muri zimwe mu zifite abakunzi benshi kw’isi Arsenal, yisanze iri kumwe n’ikipe ya Bodø/Glimt yo muri Norvège, ikinamo umukinnyi ukomoka mu Rwanda.

Muri Bodø/Glimt hakinamo Joel Mugisha Mvuka ufite ubwenegihugu bwa Norvège, ari naho yavukiye akanakurira. Andi makipe azahura n’ikipe y’uyu musore harimo PSV Eindhoven ndetse na FC Zürich.

Itsinda rya kabiri (B) hisanzemo ikipe ya Dynamo Kyiv, Rennes, Fenerbahçe na AEK Larnaca. Itsinda rya gatatu (C) harimo ikipe ya Roma, Ludogorets, Betis na HJK.

Itsinda rikurikiyeho rya kane (D) harimo ikipe ya Braga, Malmö, Union Berlin na St Giloise. Mu itsinda rya gatanu (E) harimo ikipe ya Manchester United, Real Sociedad, Sherif na Omonoia.

Itsinda rya gatandatu (F) ryisanzemo amakipe nka Lazio, Feyenoord, Midtjylland na Sturm. Ikipe ya Olympiacos, Qarabağ, Freiburg na Nantes zo zisanze mu itsinda rya karindwi (G).

Itsinda rya munani (H) ari naryo rya nyuma harimo Crevna Zvezda, Monaco, Ferencvárosi na Trabzospor.

Biteganyijwe ko imikino ya Europa League izatangira tariki ya 8 Kanama 2022. Ikindi nuko imikino y’amatsinda igomba kurangira tariki 3 Ugushyingo 2022, kubera impamvu z’igikombe cy’isi giteganyijwe uyu mwaka.

Mvuka Joel ukomoka mu Rwanda ari mw'itsinda rimwe na Arsenal muri Europa League

Kwamamaza

Kwamamaza

Kwamamaza

TANGA IGITEKEREZO

AMATEGEKO AGENGA IYANDIKA RY'IGITEKEREZO CYAWE
Kwamamaza

Special pages
. . . . . .