00:00:00 IGIHE NETWORK KN KINYARWANDA EN ENGLISH FR FRANCAIS

UEFA Champions League: FC Barcelona yisanze hamwe na Bayern Munich

Yanditswe na Iradukunda Olivier
Kuya 25 August 2022 saa 08:33
Yasuwe :

Tombola y’amatsinda muri UEFA Champions League yarangiye amakipe yose yitwaye neza ku mugabane w’I Burayi amenye amatsinda aherereyemo. Ni tombola yabereye mu mujyi wa Istanbul muri Turikiya kuri uyu wa Kane tariki ya 25 Kanama 2022.

Iyi tombola yari irimo amakipe 32 nk’uko biteganyijwe kandi yabikoreye, akagabanywamo amatsinda umunani, buri tsinda rikazamo amakipe ane.

Muri iyi tombola, amakipe abiri ya mbere akomereza mu cyiciro gikurikiyeho muri 1/8 kiba kigizwe n’amakipe 16. Amakipe umunani yaje ku mwanya wa gatatu amanuka mu rindi rushanwa rya UEFA Europa League naho ikipe zaje ku myanya y’inyuma zitahira aho.

Itsinda rya mbere (A) ryagiyemo ikipe ya Ajax Amsterdam, Liverpool, Napoli, na Rangers.

Itsinda rya Kabiri (B) harimo FC Porto, Atletico Madrid, Bayer Leverkusen na Club Brugge.Itsinda rya Gatatu (C) ririmo Bayern Munich, Fc Barcelona, Inter Milan na Viktoria Plzen.

Itsinda rya Kane (D) ririmo Eintracht Frankfurt, Tottenham, Sporting CP na Marseille.Itsinda rya Gatanu (E) harimo AC Milan, Chelsea, RB Salzburg na Dinamo Zagreb.

Itsinda rya Gatandatu (F) ririmo Real Madrid RB Leipzig, Shakhtar Donetsk, Celtic mu gihe itsinda rya Karindwi (G) ririmo Manchester City,Sevilla, Dortmund na FC Copenhagen.

Itsinda rya Munani (H) ririmo Paris Saint Germain, Juventus, Benfica na Maccabi Haifa.

Biteganyijwe ko UEFA Champions League 2022-2023, izatangira tariki 6 Nzeri 2022. Umukino wa nyuma wayo uzabera kuri Atatürk Olympic Stadium iherereye Istanbul muri Turikiya.

Amakipe 32 niyo ahataniye iki gikombe cyubashywe ku Mugabane w'u Burayi
Real Madrid niyo ifite igikombe cya Champions League giheruka

Kwamamaza

Kwamamaza

Kwamamaza

TANGA IGITEKEREZO

AMATEGEKO AGENGA IYANDIKA RY'IGITEKEREZO CYAWE
Kwamamaza

Special pages
. . . . . .