Icyakora niba ukunda imikino muri Basketball ho barazwi cyane kubera ibyo bamaze iminsi bakora ku ruhando mpuzamahanga.

Ikipe y’Igihugu y’u Rwanda y’umupira w’amaguru ‘Amavubi’ imaze iminsi i Juba mu murwa mukuru wa Sudani y’Epfo, aho yagiye gukina n’iki gihugu, umukino ubanza w’ijonjora rya kabiri ryo gushaka itike y’Igikombe cya Afurika cy’abakina imbere mu bihugu byano (CHAN 2024).

Uyu mukino uteganyijwe ku Cyumweru, tariki ya 22 Ukuboza 2024 saa Cyenda.

Amavubi acumbitse muri hoteli y’inyenyeri eshanu yitwa Pyramid Continental Hotel iherereye i Juba mu Murwa Mukuru.

Uyirimo aba yitegeye ubwiza bw’uyu mujyi kuko yubatse mu nyubako ndende cyane ndetse n’umugezi wa Nile utemba i ruhande rwayo.

Uyu mujyi uratekanye, cyane ko ari wo urimo ibikorwa byinshi nk’ikibuga cy’indege cya Juba International Airport, stade y’igihugu n’ibindi byinshi.

Ni igihugu kibamo abanyarwanda benshi cyane ko Ingabo z’u Rwanda zihamaze imyaka 13 mu butumwa bwa Loni bwo kugarura amahoro.

Sudani y’Epfo ni igihugu gishya cyabonye ubwigenge mu 2011 nyuma yo kwiyomora kuri Sudani nyuma y’imyaka 20 y’intambara y’urudaca.

Ni igihugu cya 18 mu bunini muri Afurika kuko ifite ubuso bwa kilometero kare 644.329. Gikubye u Rwanda inshuro 24 mu bunini.

Mu Majyaruguru gihana imbibi na Sudani, mu Burasirazuba hari Ethiopia, mu Majyepfo hari Repubulika Iharanira Demokarasi ya Congo, Uganda na Kenya mu gihe mu Burengerazuba hari Centrafrique.

Ni hoteli ifite ubusitani buteye amabengeza

Ikipe y'Igihugu y'u Rwanda icumbitse muri imwe muri hotli nziza muri Sudani y'Epfo

Pyramid Continental Hotel ifite uruganiriro rwisanzuye

Mu marembo ya Pyramid Continental Hotel ni uko hateye

Pyramid Continental Hotel ifit ibyumba byiza

Ifite ibyumba ushobora gufatiramo amafunguro witegeye umujyi

Pyramid Continental Hotel ni hoteli y'inyenyeri eshanu iri muri Sudani y'Epfo

Imitako ya Pyramid Continental Hotel inogera amaso y'uyinjiyemo wese

Kimwe mu byumba by'inama bya Pyramid Continental Hotel

Mu masaha ya nijoro Pyramid Continental Hotel yaka amatara ayongrera ubwiza

Mu gihe Amavubi yitegura umukino wo gushaka itike ya CHAN 2024 iri kurara muri hoteli ya Pyramid Continental Hotel

Pyramid Continental Hotel ifite pisine iri ahantu heza