Muri abo bakinnyi harimo Levi Colwill na Cole Palmer ba Chelsea, Declan Rice na Bukayo Saka ba Arsenal, Phil Foden ukina hagati muri Manchester City na Jack Grealish bakinana nka rutahizamu, Trent Alexander-Arnold wa Liverpool, na Aaron Ramsdale wa Southampton.

Umutoza w’agateganyo w’u Bwongereza, Lee Carsley, yahisemo kubasimbuza abandi kugira ngo arebe ko yakwitwara neza mu mukino ugomba kumuhuza n’u Bugereki na Ireland.

Muri abo harimo Morgan Rogers ukinira Aston Villa, Jarrod Bowen wa West Ham, Jarrad Branthwaite wa Everton, Tino Livramento wa Newcastle n’umunyezamu wa Burnley ariwe James Trafford.

Iyi mikino izaba tariki ya 14 na 17 Ugushyingo 2024, ni yo ya nyuma kuri Carsley, kuko biteganyijwe ko muri Mutarama 2025 azahita asimburwa na Thomas Tuchel wamaze kugirwa umutoza mukuru w’iyi kipe asimbura Gareth Southgate.

Jack Grealish wa Manchester City ntabwo azafasha u Bwongereza kuko yagize imvune

Phil Foden wa Manchester City amaze igihe adakina

Cole Palmer ni umwe mu bakinnyi bari bitezwe mu mikino mpuzamahanga

U Bwongereza bwabuze abakinnyi umunani kubera kugirira imvune mu mikino y'amakipe yabo

Trent Alexander-Arnold ari mu bakinnyi umunani u Bwongereza bwatakaje kubera imvune

Bukayo Saka yagizw imvune itazatuma akina imikino y'u Bwongereza