Malipangou yamaze iminsi ari mu biganiro n’ikipe ya Gasogi United byo kuba yasinya amasezerano mashya, gusa ibi bikaba bitaragenze neza birangira afashe icyemezo cyo kuyisohokamo.

Uyu mukinnyi umaze gutsinda ibitego bine muri Shampiyona, yakiniraga Gasogi United nta masezerano afite yanditse, aho yari yarumvikanye n’ubuyobozi ku munwa gusa.

Kubera iyo mpamvu yafashe gahunda yo kuvugana n’andi makipe arimo na Rayon Sports FC byavugwaga ko bari mu biganiro, ariko ubuyobozi bwayo bukavuga ko bitari kugenda neza.

Byarangiye uyu mukinnyi abengutswe n’umutoza w’Umunyarwanda Cassa Mbungo André, wifuje kuzamukinisha hagati mu kibuga muri Jamus FC, mu gihe cy’imyaka ibiri iri imbere.

Christian Malipangou yashyize umukono ku masezerano y'imyaka ibiri

Christian Malipangou yavuzwe muri Rayon Sports

Malipangou yari amaze igihe ashaka ikipe nshya nyuma yo gutandukana na Gasogi United

Malipangou yerekeje muri Jamus FC avuye muri Gasogi United