00:00:00 IGIHE NETWORK KN KINYARWANDA EN ENGLISH FR FRANCAIS

StarTimes yazirikanye abakunzi ba La Liga ku munsi wa El Clásico

Yanditswe na Bukuru JC
Kuya 22 Ukwakira 2021 saa 10:32
Yasuwe :
0 0

Abakunzi ba Shampiyona y’Icyiciro cya Mbere muri Espagne bagiye kuryoherwa n’ibirori bya ruhago mu mpera z’iki cyumweru ubwo FC Barcelone na Real Madrid zizaba zihurira mu mukino wa El Clásico uzerekanwa kuri StarTimes ku Cyumweru.

Ugiye kureba mu mikino ihuza amakipe akunda guhangana, uzasanga umukino wa El Clásico uhuza Real Madrid na FC Barcelone ari wo ufatwa nk’ukomeye kurusha iyindi yose ku Isi bitewe n’uburyo uba witezwe na benshi.

Ni wo mukino wa mbere ugiye guhuza amakipe yombi kuva Lionel Messi avuye muri Espagne, ariko Real Madrid ifite rutahizamu Karim Benzema wavuze ko n’ubundi uzaba ari umukino utoroshye.

Ati “Real-Barça ni umukino w’amateka. Amazina arahinduka, mbere hari [Zinedine Zidane] Ronaldinho, Ronaldo, Samuel Eto’o. Real-Barça bizahora ari Real-Barça.”

Uyu mukinnyi w’Umufaransa umaze gutsinda ibitego byinshi (icyenda) muri Shampiyona y’uyu mwaka, yabwiye abanyamakuru ko yiteze ko FC Barcelone itazaborohera.

FC Barcelone izakira uyu mukino, iheruka kongerera amasezerano Ansu Fati w’imyaka 18, uzageza mu 2027 akiyikinira ndetse amaze iminsi yitwara neza kuva akirutse imvune.

Gutsinda uyu mukino wa El Clásico wo ku Cyumweru bizaba ari ubwa mbere kuri Ansu Fati watsinzwe mu mikino ibiri aheruka kugaragaramo bahura na Real Madrid mu gihe amakipe yombi yanganyije undi umwe.

Ku rundi ruhande, gutsinda kwa Real Madrid bizayifasha gufata umwanya wa mbere hitabajwe ikinyuranyo cy’ibitego mu gihe cy’amasaha make.

Real Sociedad kuri ubu ifite amanota 20 ku mwanya wa mbere, irusha atatu amakipe arimo Real Madrid, Seville C.F na Atlético Madrid, zose zigifite umukino umwe zirushwa n’ikipe y’umutoza Imanol Alguacil.

Nk’uko byagenze kuri Real Madrid, umukino Atlético Madrid yari gukina ku Cyumweru gishize wasubitswe kubera ko abakinnyi bari baragiye mu bihugu byabo batinze kugaruka kandi aya makipe akaba yari afite indi mikino ya UEFA Champions League muri iki cyumweru.

Abakunzi b’umupira w’amaguru muri Afurika ntibakwiye gucikwa n’iyi mikino irimo uwa El Clásico kuko yose izerekanwa ku mashene ya StarTimes iri kuba mu mashusho meza ya HD.

Umukino wa El Clásico uzaba ku Cyumweru, uzerekanwa kuri StarTimes
StarTimes izerekana kandi n'iyindi mikino ya La Liga iteganyijwe mu mpera z'iki cyumweru

Kwamamaza

Kwamamaza

Kwamamaza

TANGA IGITEKEREZO

AMATEGEKO AGENGA IYANDIKA RY'IGITEKEREZO CYAWE
Kwamamaza

Special pages
. . . . . .