StarTimes yagarukanye n’imikino ya Coppa Italia irimo uhuza Juventus na AC Milan

Yanditswe na Eric Tony Ukurikiyimfura
Kuya 12 Kamena 2020 saa 03:02
Yasuwe :
0 0

Ku munsi wa mbere hongera gusubukurwa umupira w’amaguru mu Butaliyani, StarTimes irabana n’abakunzi bawo mu mukino wa ½ cya Coppa Italia uza guhuza Juventus na Milan AC kuri uyu wa Gatanu.

Undi mukino wa ½ wo kwishyura uzaba ku wa Gatandatu, aho uzahuza Inter Milan na Napoli.

Amakipe yo mu Mujyi wa Milan arasabwa gukora cyane niba AC Milan ishaka kugera ku mukino wa nyuma w’Igikombe cy’Igihugu ku nshuro ya 15 mu gihe Inter Milan yaba ihagaze ku nshuro ya 14 nubwo nta n’imwe yatsinze umukino ubanza wakinwe mbere y’uko imikino ihagarikwa kubera Coronavirus muri Werurwe.

Inter Milan yari yatsindiwe mu rugo igitego 1-0 na Napoli mu gihe AC Milan yari yanganyije na Juventus igitego 1-1 mu mukino ubanza. Ante Rebić yari yafunguye amazamu mu gice cya kabiri mbere y’uko Cristiano Ronaldo yishyura kuri penaliti mu minota ya nyuma.

Mu busanzwe, Juventus na Napoli nizo zakabaye zihabwa amahirwe yo gukomeza ku mukino wa nyuma uzakinwa nyuma y’iminsi ine habaye umukino wa kabiri wo kwishyura muri ½, kuri Stade Olimpico iri mu Mujyi wa Roma.

Kuba imikino myinshi ku Isi iri gukinirwa mu muhezo, nta bafana, biha amahirwe menshi amakipe yasuye nk’uko imibare imaze kuranga shampiyona y’icyiciro cya mbere mu Budage ibigaragaza.

Umubare w’amakipe yatsindiye hanze mu minsi itanu imaze gukinwa kuva Bundesliga isubukuwe, ukubye kabiri uw’amakipe yatsindiye mu rugo, bivuze ko hashobora kubaho gutungurana muri aya makipe yo mu Butaliyani.

Abatoza ku mpande zombi, bafite impungenge zo kuba badafaite abakinnyi bamenyerewe mu mukino uhuza Juventus na AC Milan.

Maurizio Sarri utoza Juventus ntiyizeye kuba afite Aaron Ramsey, Giorgio Chiellini, Gonzalo Higuain na Merih Demiral, bose batigeze bitozanya n’ikipe kuva hakuweho ingamba zo kuguma mu rugo.

Demiral ashobora kumara igihe kirekire hanze nyuma yo kugira imvune imaze igihe kirekire mu gihe Cristiano Ronaldo ari we mukinnyi Juventus ishobora gucungiraho kuri uyu mugoroba.

Antonio Conte utoza Inter Milan ashobora guha umwanya Christian Eriksen wageze muri iyi kipe muri Mutarama avuye muri Tottenham, agakina inyuma ya Romelu Lukaku na Lautaro Martinez.

Iyi mikino yose ya Coppa Italia izerekanwa gusa iri kuba ku mashene y’umupira w’amaguru ya StarTimes, ikigo kiyoboye mu ikoranabuhanga ryo gusakaza amashusho ya televiziyo muri Afurika.

Juventus irakira AC Milan mu mukino uteganyijwe kuri uyu wa Gatanu
Ku wa Gatandatu, Napoli izakira Inter Milan mu wundi mukino wa 1/2 cya Coppa Italia

Kwamamaza

Kwamamaza

Kwamamaza

TANGA IGITEKEREZO

AMATEGEKO AGENGA IYANDIKA RY'IGITEKEREZO CYAWE

Kwamamaza

Special pages
. . . . . .