StarTimes izerekana umukino wa nyuma wa Europa League

Yanditswe na IGIHE
Kuya 20 Kanama 2020 saa 08:22
Yasuwe :
0 0

Ku wa Gatanu tariki ya 21 Kanama guhera saa 21:00, hateganyijwe umukino wa nyuma w’irushanwa rya Europa League uzahuza Inter Milan yo mu Butaliyani na FC Seville yo muri Espagne.

Uyu mukino uzabera mu Mujyi wa Cologne mu Budage, uzerekanwa kuri shene ya Word Football kuri StarTimes.

Seville yageze ku mukino wa nyuma ku nshuro ya gatandatu nyuma yo gutsinda Manchester United ibitego 2-1 mu mukino wa ½ wabaye ku Cyumweru.

Iyi kipe yo muri Espagne ifite agahigo ko kuba ariyo imaze kwegukana Europa League inshuro nyinshi (eshanu) kurusha indi kipe iyo ariyo yose yayikinnyemo.

Ibikombe bitanu Seville yatwaye birimo bitatu yegukanye hagati ya 2013 na 2016 ndetse abenshi bemeza ko ariyo kipe ihirwa n’iri rushanwa.

Inter Milan zizahura, yo iheruka kwegukana igikombe cy’u Burayi mu 2010 ubwo yatwaraga UEFA Champions League itozwa na José Mourinho.

Iyi kipe yo mu Butaliyani kuri ubu itozwa na Antonio Conte, yageze ku mukino wa nyuma inyagiye Shakhtar Donetsk yo muri Ukraine ibitego 5-0 mu mukino wa ½ wabaye ku wa Mbere ndetse irahabwa amahirwe menshi yo kwegukana irushanwa ry’uyu mwaka.

Abakunzi b’umupira w’amaguru bazaryoherwa n’uyu mukino uzerekanwa kuri StarTimes nk’ikigo kiyoboye ibindi mu ikoranabuhanga ryo gusakaza amashusho ya televiziyo.

Ku badafite ifatabuguzi rya StarTimes, bashobora kugura abonnement ya Classic Bouquet ku 2,700 Frw ku cyumweru cyangwa 8,000 Frw ku kwezi, bakareba uyu mukino wa nyuma wa Europa League.

Umukino wa nyuma wa Europa League uzahuza Inter Milan na Seville uzerekanwa kuri StarTimes

Kwamamaza

Kwamamaza

Kwamamaza

TANGA IGITEKEREZO

AMATEGEKO AGENGA IYANDIKA RY'IGITEKEREZO CYAWE
Kwamamaza

Special pages
. . . . . .