StarTimes izerekana imikino ya FA Cup izahuza ibigugu bya Premier League muri 1/2

Yanditswe na Eric Tony Ukurikiyimfura
Kuya 17 Nyakanga 2020 saa 02:22
Yasuwe :
0 0

Mu mpera z’iki cyumweru, abakunzi b’umupira w’amaguru bazaryoherwa n’imikino ya kimwe cya kabiri cya FA Cup, izahuza amakipe ane ari mu akomeye muri Shampiyona y’Icyiciro cya Mbere mu Bwongereza, Premier League.

Imikino ibiri itegerejwe na benshi ni uzahuza Arsenal na Manchester City ku wa Gatandatu tariki ya 18 Nyakanga, uzerekanwa kuri ST World Football guhera saa 20:45.

Ku Cyumweru tariki ya 19 Nyakanga, Manchester United izahura na Chelsea FC kuri Stade Wembley mu wundi mukino uzerekanwa kuri ST World Football guhera saa moya (19:00).

Abafite ifatabuguzi rya Classic, Smart, Unique, Super na Max, bazabafasha gukurikira imikino kuri televiziyo zabo.

Abadafite ifatabuguzi bashobora kugura StarTimes Classic ku bihumbi 8 Frw ku kwezi na 2700 Frw ku cyumweru cyangwa Smart Bouquet ku 8500 Frw ku kwezi cyangwa 2850 Frw ku cyumweru.

Kuva mu mwaka w’imikino wa 2007/08, imikino ya kimwe cya kabiri muri FA Cup ikinirwa kuri Stade Wembley, amakipe abiri yitwaye neza akagera ku mukino wa nyuma.

Nubwo Liverpool yasezerewe na Chelsea mu ijonjora rya gatanu ry’iri rushanwa, amakipe ane asigaye ari mu akomeye muri Premier League.

Ku wa Gatandatu, Arsenal yongeye kugaruka mu nzira zo gutsinda, izahura na Manchester City yaherukaga kuyitsinda ibitego 3-0 ubwo Premier League yasubukurwaga.

Ku Cyumweru, Ole Gunnar Solskjær utoza Manchester United azahura na Frank Lampard utoza Chelsea, aba bombi bakaba barakinnye umukino wa nyuma wa FA Cup inshuro umunani kuri buri umwe nk’abakinnyi.

Kuba ikipe yegukanye FA Cup ihita ibona itike yo kuzakina irushanwa rya Europa League mu mwaka w’imikino ukurikiraho, bizatuma imikino izaba mu mpera z’iki cyumweru izagaragaramo guhangana gukomeye.

Abakunzi b’umupira w’amaguru muri Afurika bazabasha kuryoherwa n’iyi mikino kuri StarTimes nk’ikigo kiyoboye ibindi mu ikoranabuhanga ryo gusakaza amashusho ya televiziyo ndetse akaba aricyo gifite uburenganzira bwo kwerekana iri rushanwa kuri uyu mugabane.

Irushanwa rya FA Cup rigeze mu cyiciro cya kimwe cya kabiri kizakinwa mu mpera z'icyumweru

Kwamamaza

Kwamamaza

Kwamamaza

TANGA IGITEKEREZO

AMATEGEKO AGENGA IYANDIKA RY'IGITEKEREZO CYAWE
Kwamamaza

Special pages
. . . . . .