StarTimes izerekana imikino ya FA Cup igeze muri ¼

Yanditswe na Eric Tony Ukurikiyimfura
Kuya 24 Kamena 2020 saa 05:11
Yasuwe :
0 0

Guhera mu mpera z’iki cyumweru, irushanwa rya FA Cup rizongera gusubukurwa hakinwa imikino ya ¼ nyuma y’uko rihagaritswe muri Werurwe kubera icyorezo cya Coronavirus.

Mu makipe umunani asigaye muri iri rushanwa ritanga ikipe iserukira u Bwongereza muri Europa League, harimo ane muri atanu ya mbere muri Premier League.

Leicester City yongeye kugira umwaka mwiza w’imikino ndetse ikaba iri ku mwanya wa gatatu- umwanya umwe imbere ya Chelsea itozwa na Frank Lampard izayakira mu mukino uzaba ku Cyumweru kuri King Power Stadium.

Chelsea iheruka gutsinda Aston Villa iturutse inyuma ku bitego 2-1 mu mukino wa Premier League wabaye ku wa Gatandatu mu gihe Leicester City yanganyije na Brighton ubusa ku busa ku wa Kabiri.

Manchester City ifite irushanwa riheruka, ariko uyu mwaka ikaba itegereje kureba niba Liverpool izegukana shampiyona, irashaka kongera kwisubiza FA Cup ndetse izakirwa na Newcastle United mu mukino wa kimwe cya kane uzaba ku Cyumweru.

Umukino uheruka izaba Cyumweru ni uzahuza Sheffield United na Arsenal. Ikipe y’umutoza Mikel Arteta niyo imaze kwegukana FA Cup inshuro nyinshi [13] kurusha izindi kipe mu gihe kandi ari nayo kipe imaze gukina umukino wa nyuma inshuro nyinshi [20], agahigo isangiye na Manchester United.

Amakipe yombi akomeje gushaka uko yakina umukino wa nyuma ku nshuro ya 21 dore ko Manchester United izakirwa na Norwich City ku wa Gatandatu.

Umukino wa nyuma wa FA Cup y’uyu mwaka wiswe “Heads Up FA Cup” mu rwego rwo kuzamura imyumvire y’abantu ku buzima bwo mu mutwe.

Abakunzi b’umupira w’amaguru bari hirya no hino muri Afurika bazabasha gukurikira iyi mikino ine yose iri kuba ku mashene y’umupira w’amaguru ya StarTimes nk’ikigo kiyoboye ibindi mu ikoranabuhanga ryo gusakaza amashusho ya televiziyo kuri uyu mugabane.

StarTimes izerekana imikino ine ya FA Cup mu mpera z'icyumweru

Kwamamaza

Kwamamaza

Kwamamaza

TANGA IGITEKEREZO

AMATEGEKO AGENGA IYANDIKA RY'IGITEKEREZO CYAWE

Kwamamaza

Special pages
. . . . . .