StarTimes izerekana imikino y’umunsi wa nyuma w’amatsinda ya Europa League

Yanditswe na IGIHE
Kuya 7 Ukuboza 2020 saa 05:47
Yasuwe :
0 0

Imikino y’amatsinda ya Europa League izashyirwaho akadomo ku wa Kane tariki ya 10 Ukuboza 2020, ari nabwo hazamenyekana amakipe 24 yatsindiye gukomeza muri 1/16.

Amakipe atatu ahagarariye u Bwongereza muri iri rushanwa; Leicester City, Arsenal na Tottenham, yose yamaze kwizera gukomeza ndetse azakina iyi mikino ya nyuma nta gitutu afite.

Arsenal yamaze kwizera kuzamuka iyoboye itsinda B mu gihe Leicester City na Tottenham zishobora kubigeraho ku munsi wa nyuma.

Ikipe y’umutoza Mikel Arteta, yatsinzwe na Spurs ibitego 2-0 ku Cyumweru, ni yo kipe yonyine yatsinze imikino itanu imaze gukinwa mu matsinda ndetse izaba ishaka gukomeza uwo muhigo ubwo izaba yerekeje i Dublin gukina na Dundalk.

Iyi kipe yo muri Ireland yatsinzwe imikino itanu yose yo mu itsinda, bivuze ko mu gihe Arsenal izaba ishaka gukomeza kwitwara neza, na yo izaba ishaka kuyihagarika.

Mu itsinda G, Leicester City izaba yakiriye AEK Athens mu gihe inganya amanota 10 na Braga ku mwanya wa mbere n’uwa kabiri. Iyi kipe yo muri Portugal, yo izaba yakiriwe na Zorya Luhansk yo muri Ukraine.

Ku ruhande rwa Tottenham itozwa na José Mourinho umaze kwegukana iri rushanwa inshuro ebyiri, ari kumwe na FC Porto na Manchester United, izakira Antwerp yo mu Bubiligi mu itsinda J.

Uburyo Spurs yitwaye imbere ya Arsenal ku Cyumweru bishobora guha imbaraga abakinnyi bayo, ikabasha gukura Antwerp ku mwanya wa mbere, Mourinho agakomeza kwandika amateka muri iri rushanwa.

Abakunzi b’umupira w’amaguru muri Afurika bazabasha kureba iyi mikino ya Europa League iri kuba ku mashene y’umupira w’amaguru ya StarTimes.

Iki kigo kiyoboye ibindi mu ikoranabuhanga ryo gusakaza amashusho ya televiziyo muri Afurika, gifite uburenganzira bwihariye bwo kwerekana iyi mikino kuri uyu mugabane.

StarTimes izerekana imikino y’umunsi wa nyuma w’amatsinda ya Europa League izaba ku wa Kane

Kwamamaza

Kwamamaza

Kwamamaza

TANGA IGITEKEREZO

AMATEGEKO AGENGA IYANDIKA RY'IGITEKEREZO CYAWE
Kwamamaza

Special pages
. . . . . .