StarTimes izerekana imikino Arsenal na Leicester City zishobora kuboneramo itike ya 1/16 cya Europa League

Yanditswe na IGIHE
Kuya 25 Ugushyingo 2020 saa 12:00
Yasuwe :
0 0

Irushanwa rya Europa League rizakomeza ku wa Kane tariki ya 26 Ugushyingo hakinwa umunsi wa kane w’amatsinda, aho amakipe arimo Arsenal na Leicester City akeneye gutsinda kugira ngo yizere gukomeza muri 1/16.

Arsenal y’umutoza Mikel Arteta, izerekeza muri Norvège guhura na Molde mu gihe Leicester City izerekeza muri Portugal guhura na Braga.

Arsenal iheruka kunganya na Leeds United muri Premier League ku Cyumweru, ni iya imbere mu itsinda B n’amanota icyenda mu gihe Molde ifite amanota atandatu ku mwanya wa kabiri.

Mu gihe kimwe mu bigenderwaho mu kureba uko amakipe akurikirana iyo anganyije amanota, bwa mbere harebwa uko yitwaye hagati yayo, Arsenal irasabwa gutsinda igashimangira umwanya wa mbere dore ko yari yatsinze Molde ibitego 4-1 mu mukino uheruka.

Leicester City na yo iri muri urwo rwego, aho nyuma yo gutsinda Braga ibitego 4-0, igomba kujya kwishyura muri Portugal.

Imyiteguro y’uyu mukino wa Europa League ntiyagenze neza kuko Leicester City iheruka gutsindwa na Liverpool ibitego 3-0 mu mukino wa Premier League wabaye ku Cyumweru.

Mu yindi mikino itegerejwe, Tottenham iyoboye Shampiyona y’u Bwongereza ndetse ikaba iheruka gutsinda Manchester City ibitego 2-0, izaba yakiriye Ludogorets Razgrad.

Iyi kipe y’umutoza José Mourinho ifite amanota atandatu inganya na Antwerp yo mu Bubiligi ndetse na LASK yo muri Autriche.

Mourinho n’ikipe ye bazaba badafite myugariro Toby Alderweireld wavunitse ndetse akaba ashobora kumara igihe kirekire adakina. Kuba Joe Roden yaraguzwe mu gihe hari haramaze gutangwa urutonde rw’abazakina Europa League bishobora kuba ikibazo kubona umusimbura wa Alderweireld.

Abakunzi b’umupira w’amaguru muri Afurika bazabafasha kureba iyi mikino yose iri kuba ku mashene y’umupira w’amaguru ya StarTimes nk’ikigo kiyoboye ibindi mu ikoranabuhanga ryo gusakaza amashusho ya televiziyo ndetse gifite uburenganzira bwihariye bwo kwerekana iri rushanwa kuri uyu mugabane.

StarTimes izerekana imikino irimo ishobora guhesha Arsenal na Leicester City kugera muri 1/16 cya Europa League

Kwamamaza

Kwamamaza

Kwamamaza

TANGA IGITEKEREZO

AMATEGEKO AGENGA IYANDIKA RY'IGITEKEREZO CYAWE
Kwamamaza

Special pages
. . . . . .