StarTimes irerekana imikino ya Real Madrid na FC Barcelone muri Copa del Rey

Yanditswe na IGIHE
Kuya 6 Gashyantare 2020 saa 11:10
Yasuwe :
0 0

Imikino y’Igikombe cy’Umwami muri Espagne (Copa del Rey) igeze muri ¼, aho kuri uyu wa Kane hateganyijwe imikino ibiri yitabirwa n’amakipe abiri akomeye muri icyo gihugu, FC Barcelone na Real Madrid.

Mirandés yaraye itunguranye muri iri rushanwa, igera muri ½ nyuma yo gusezerera Villarreal ku bitego 4-2 mu mukino wabaye kuri uyu wa Gatatu mu gihe Granada yakuyemo Valence C.F iyitsinze ibitego 2-1 ku wa Kabiri.

Indi mikino ibiri ya ¼ iteganyijwe kuri uyu wa Kane, aho Real Madrid irakira Real Sociedad kuri Santiago Bernabéu ndetse iraza kuba ifite akanyamuneza nyuma yo gutsinda Atlético Madrid igitego 1-0 mu mpera z’icyumweru gishize.

Uyu mukino urakurikirwa n’uwo Athletic Bilbao yakiramo FC Barcelone guhera saa yine z’ijoro (22:00).

FC Barcelone yageze muri iki cyiciro nyuma yo gutsinda UD Ibiza iturutse inyuma muri 1/8, ifite akazi katoroshye ko kwikura imbere ya Bilbao imaze kwegukana iki gikombe inshuro 23.

FC Barcelone imaze kwegukana Copa del Rey inshuro 30, kuri ubu iri ku mwanya wa kabiri muri Shampiyona ya Espagne, La Liga, ni nyuma yo gutsinda Levante ibitego 2-1 byombi bya Ansu Fati mu mpera z’icyumweru gishize.

Abakunzi b’umupira w’amaguru muri Afurika bafite amahirwe yo kureba iyi mikino iri kuba kuko yerekanwa ku mashene y’umupira w’amaguru ya StarTimes.

Real Madrid irakina na Real Sociedad muri Copa del Rey

Kwamamaza

Kwamamaza

Kwamamaza

TANGA IGITEKEREZO

AMATEGEKO AGENGA IYANDIKA RY'IGITEKEREZO CYAWE

Kwamamaza

Special pages
. . . . . .