StarTimes ikomeje kwerekana imikino ya FA Cup

Yanditswe na IGIHE
Kuya 10 Mutarama 2021 saa 02:17
Yasuwe :
0 0

Irushanwa rya FA Cup ryahuje amakipe 736 yo mu Bwongereza guhera muri Kanama 2020 rirakomeje, aho kuri ubu rigeze mu ijonjora rya gatatu hakinwa imikino itandukanye.

Muri ayo makipe yose, 44 yari ayo mu Cyiciro cya Mbere (Premier League) no mu cya Kabiri (Championship), ariko guhera ku wa Gatanu ubwo hatangira gukinwa ijonjora rya gatatu, hari hasigayemo 20 gusa.

Liverpool yasezereye Aston Villa iyitsinze ibitego 4-1 mu mukino wabaye ku wa Gatanu mu gihe Wolves yakuyemo Crystal Palace iyitsinze igitego 1-0.

Manchester United imaze kwegukana iri rushanwa inshuro 12, yaraye ikuyemo Watford iyitsinze igitego 1-0 mu gihe Arsenal imaze kuryegukana inshuro 14, kurusha andi makipe yose, yasezereye Newcastle United iyitsinze 2-0.

Kuri iki Cyumweru hateganyijwe imikino itandukanye irimo uwo Manchester City ihuramo na Birmingham City, aho byitezwe ko Pep Guardioa aruhutsa bamwe mu bakinnyi basanzwe babanza mu kibuga.

Tottenham Hotspur y’umutoza José Mourinho irakirwa na Marine yo mu Cyiciro cya Munani mu mupira w’u Bwongereza guhera saa moya z’ijoro mu gihe Chelsea ikina na Morecombe saa 15:30.

Abakunzi b’umupira w’amaguru muri Afurika baraza kureba imikino myiza y’ijonjora rya gatatu iri kuba mu mashusho meza ya HD ku mashene ya StarTimes nk’ikigo kiyoboye ibindi mu gusakaza amashusho ya televiziyo kuri uyu mugabane.

StarTimes ikomeje kwerekana imikino ya FA Cup

Kwamamaza

Kwamamaza

Kwamamaza

TANGA IGITEKEREZO

AMATEGEKO AGENGA IYANDIKA RY'IGITEKEREZO CYAWE
Kwamamaza

Special pages
. . . . . .