Sir Kenny Dalglish wabaye umutoza wa Liverpool yanduye Coronavirus

Yanditswe na Eric Tony Ukurikiyimfura
Kuya 11 Mata 2020 saa 09:24
Yasuwe :
0 0

Umunyabigwi wahoze ari umukinnyi ndetse akaba yaranatoje Liverpool yo mu cyiciro cya mbere mu Bwongereza, Sir Kenny Dalglish, yanduye Coronavirus ajyanwa mu bitaro nk’uko byatangajwe n’umuryango we.

Sir Kenny Dalglish yabaye umukinnyi wa Liverpool hagati ya 1977 na 1990, ayitoza kuva mu 1985 kugeza mu 1991 ndetse akaba yarayigarutsemo hagati ya 2011 na 2012.

Uyu musaza w’imyaka 69, umuryango we watangaje ko yanduye Coronavirus nubwo nta bimenyetso byayo agaragaza, ariko akaba ari kwitabwaho mu bitaro kuva ku wa Gatatu w’iki cyumweru.

Umuryango we wagize uti “Bitunguranye, ibizamini yakorewe byagaragaje ko yanduye, ariko nta bimenyetso agaragaza.”

Dalglish yatwaye igikombe cya Shampiyona ya Écosse inshuro enye mbere yo kwerekeza muri Liverpool mu 1977, aho yatwaye ibikombe bya shampiyona umunani nk’umukinnyi n’ibindi bitatu by’i Burayi.

Yatwaye kandi igikombe cya Premier League atoza Blackburn Rovers mu 1995.

Umuryango we washimiye inzego zishinzwe ubuzima mu Bwongereza uburyo zikomeje kwita ku banduye iki cyorezo, utangaza ko Sir Kenny Dalgish yahisemo kwishyira mu kato igihe kirekire hamwe n’umuryango we.

Wakomeje ugira uti “Ateganya ko vuba aha azaba yasubiye mu rugo. Tuzabamenyesha uko amerewe mu gihe bizaba ari ngombwa.”

Sir Kenny Dalglish yatoje kandi Newcastle United hagati ya 1997-98 na Celtic yabereye umutoza w’agateganyo mu 2000.

Sir Kenny Dalglish wabaye umutoza wa Liverpool, ari mu bitaro nyuma yo kwandura Coronavirus

Kwamamaza

Kwamamaza

Kwamamaza

TANGA IGITEKEREZO

AMATEGEKO AGENGA IYANDIKA RY'IGITEKEREZO CYAWE

Kwamamaza

Special pages
. . . . . .