00:00:00 IGIHE NETWORK KN KINYARWANDA EN ENGLISH FR FRANCAIS

Sir Jim Ratcliffe agiye kugura Manchester United

Yanditswe na IGIHE
Kuya 17 Mutarama 2023 saa 11:04
Yasuwe :

Binyuze muri sosiyete ye ya Ineos, Umwongereza Sir Jim Ratcliffe yatangaje ko yinjiye mu rugamba rwo guhatanira kugura Manchester United.

Mu Ugushyingo ni bwo ba nyiri Manchester United, abo mu muryango wa Glazer, batangaje ko bari kwiga uburyo iyi kipe bayishyira ku isoko.

Umuvugizi wa sosiyete ya Ineos yatangaje ko “bidasubirwaho twabyinjiyemo.”

Mu mwaka ushize, Ratcliffe yatanze agera kuri miliyari 4,25£ ariko ntibyakunda ko yegukana Chelsea yari imaze gushyirwa ku isoko na Roman Abramovich.

Uyu mugabo wavukiye mu gace ka Failsworth muri Greater Manchester, ni umufana ukomeye wa Manchester United ndetse ni umwe mu baherwe ba mbere mu Bwami bw’u Bwongereza.

Yavuze ko yakabaye yaragerageje kugura iyi kipe ikinira kuri Old Trafford nyuma yo kubona Chelsea byanze, ariko nyuma y’inama yagiranye n’abavandimwe bafite iyi kipe; Joel na Avram Glazer, bavuga ko badashaka kuyigurisha.

Gusa, nyuma y’uko aba Glazers bahinduye intekerezo kuri iyi kipe bafite kuva mu 2005, Ratcliffe yinjiye mu rugamba rwo kugura Manchester United.

Sosiyete ye ya Ineos ni yo ifite ikipe ya Nice yo mu Bufaransa na Lausanne yo mu Busuwisi.

Manchester United iheruka gutsinda mukeba wayo, Manchester City, ibitego 2-1 muri Premier League, iri ku mwanya wa kane irushwa amanota icyenda na Arsenal iyoboye Premier League.

Ineos ya Sir Jim Ratcliffe yasabye kugura Manchester United
Manchester United iri mu biganza by'abavandimwe b'Abanyamerika, iri mu makipe akomeye mu Bwongereza

Kwamamaza

Kwamamaza

Kwamamaza

TANGA IGITEKEREZO

AMATEGEKO AGENGA IYANDIKA RY'IGITEKEREZO CYAWE
Kwamamaza

Special pages
. . . . . .