Uyu munyamakuru uri mu bahagaze neza yabwiye IGIHE ko yakabije inzozi.

Ati “Ni ikintu nishimiye kuko, ni indoto za benshi mu bakunda uyu mwuga.”

Uyu musore kandi yakomeje avuga ko abantu bakwiye kujya bakurikira ikiganiro cyabo kuko cyujuje byose umukunzi w’imikino by’umwihariko iy’i Burayi yifuza.

Ati “Buri umwe akwiriye guhitamo Magic Line-Up kuko ni ikiganiro kirimo byose umuntu ukunda siporo y’i Burayi akeneye. Ubusesenguzi bwimbitse kandi bushingiye ku mibare n’ibimenyetso n’amakuru agezweho.”

Muri iki kiganiro Samir azakorana na Rugaju Reagan, Lorenzo Musangamfura, Aimable uzwi nka Mbappé ndetse na Mukiza Aderale wavuye kuri Flash FM.

Iki kiganiro kizajya gitambuka kuri Magic FM kuva saa Moya z’ijoro kugera saa Yine z’ijoro.

Kiyongereye mu bindi iyi radiyo iheruka kuvugurura ari byo Magic Morning gikorwa na Japhet na Anick, Magic on Point ya Paccy Kizito na Iradukunda Yvonne. Hari kandi Magic Drive ikorwa na Cyubahiro Robert McKenna na Nyinawumuntu Ines.

Samir yerekeje kuri RBA

Samir yavuye kuri B&B FM Kigali yari amazeho imyaka ine

Samir ni umwe mu banyamakuru bakomeje kuzamura izina