00:00:00 IGIHE NETWORK KN KINYARWANDA EN ENGLISH FR FRANCAIS

Rutsiro FC yasinyishije abakinnyi babiri barimo Bukuru Christophe

Yanditswe na Byiringiro Osée Elvis
Kuya 10 Mutarama 2023 saa 03:22
Yasuwe :

Mu rwego rwo kongera imbaraga mu ikipe mu gihe hitegurwa imikino yo kwishyura ya Shampiyona, Rutsiro FC yasinyishije Bukuru Christophe n’Umurundi Kwizera Eric wakiniraga Olympique Star y’iwabo.

Kuri uyu wa Kabiri, tariki 10 Mutarama 2023, ni bwo Bukuru Christophe n’Umurundi Kwizera Eric basinyiye Rutsiro FC, bitezweho gukura iyi kipe yo mu Burengerazuba mu myanya mibi yasorejemo imikino ibanza ya Shampiyona.

Bukuru wasinye amezi atandatu, yakiniye amakipe menshi mu Rwanda arimo Mukura VS, Rayon Sports na APR FC, gusa ubu nta kipe yari afite kuko yaherukaga muri Rayon Sports mu mwaka ushize w’imikino.

Mu 2019, yahamagawe mu Ikipe y’Igihugu ’Amavubi’ ubwo yakiniraga APR FC.

Ubuyobozi bwa Rutsiro FC bwatangaje ko intego bufite mu mikino yo kwishyura ari ukwitwara neza, iyi kipe ikava mu myanya y’inyuma irimo, cyane ko n’umutoza Okoko Godfrey wayiramukijwe mu Ukuboza 2022 ngo azaba amaze kuyimenyera.

Rutsiro FC yasoje imikino ibanza ya Shampiyona iri ku mwanya wa 13 n’amanota 13, irusha amanota atandatu Espoir FC ya nyuma.

Bukuru Christophe yasinye amezi atandatu muri Rutsiro FC

Kwamamaza

Kwamamaza

Kwamamaza

TANGA IGITEKEREZO

AMATEGEKO AGENGA IYANDIKA RY'IGITEKEREZO CYAWE
Kwamamaza

Special pages
. . . . . .