Uyu mukinnyi ukomoka muri Cameroon washimwe n’ubuyobozi ndetse n’abafana ba Rayon Sports FC, amaze igihe ategerejwe na benshi kuba yagaruka mu myitozo y’iyi kipe. Mu ijoro ryo kuri uyu wa Gatatu nibwo yasesekaye i Kigali.

Mu butumwa yagejeje ku bakunzi bayo, Rayon Sports FC yahaye ikaze uyu mukinnyi igira iti“Murakaza neza nanone mu rugo, Willy Onana.”

Biteganyijwe ko guhera uyu munsi uyu mukinnyi aza guhita atangira imyitozo, agakomezanya n’abandi bakinnyi bamaze kuyitangira, aho iri kubera mu Nzove.

Onana yasinye imyaka ibiri mu ikipe ya Rayon Sports FC. Yabanye nayo cyane mu mikino yo kwishyura kuko yagize ikibazo cy’imvune cyatumye adaha ikipe ibyo yari kuyiha byose.

Ikipe ya Rayon Sports itegerejweho kongera ubusatirizi bwayo buzafasha Onana gushaka ibitego.

Onana yakiriwe n'umuvugizi wa Rayon Sports Nkurunziza Jean Paul

Byari ibyishimo byinshi ubwo Onana yageraga i Kigali aje gukomezanya na Rayon Sports

Onana yageze i Kigali ku mugoroba wo kuri uyu wa Gatatu

Onana ni umwe mu bakinnyi ngenderwaho ba Rayon Sports FC

Willy Onana azakomezanya na Rayon Sports ndetse aratangira imyitozo