Ni ibirori byabereye kuri Romelo Guest House, byitabirwa n’inshuti z’aba bombi ziganjemo benshi basanzwe mu muryango wa siporo barimo na Nkundamatch ufana Rayon Sports.

Rujugiro yatunguye umukunzi we mu birori by’isabukuru y’uyu muhuriga wa APR, azana impeta apfukama amusaba ko yazamubera umugore maze na we mu marira menshi atega akaboko ko abyemeye ari na ko yambikwa impeta.

Mu ijambo rye, Munyaneza Jacques uzwi nka Rujugiro yashimiye abitabiriye uwo munsi ndetse anasezeranya umukunzi we Dovine ko azamukunda ubuziraherezo, ari na ko gutangaza ko mu minsi mike bazaba basohoye ubutumure bw’ubukwe bwabo.

Rujugiro na Dovine Uwimana bamaze imyaka itandatu bakundana, aho bagiye bakunda kugaragara kenshi bari kumwe ku bibuga by’umupira w’amaguru. Ni nyuma yo kumenyanira mu mashuri abanza muri Sainte Famille aho bombi bigaga.

Munyaneza Jacques amaze igihe kinini azwi mu ikipe ya APR FC, aho yatangiye ari umukunzi wayo usanzwe mbere yo kuyibera umufana w’akadasohoka. Yanabaye ‘kit manager’ w’amakipe y’igihugu y’ibyiciro byose mu mupira w’amaguru ndetse no muri APR FC kaba yaragiye yitabazwa kenshi.

Abavandimwe bari bitabiriye uyu munsi ufite icyo uvuze kuri aba bombi

Abarimo Gatete uheruka kuva kuri Gasogi United akerekeza muri Police nk'umufana, bari mu birori bya Rujugiro

Nkundamatch ufana Rayon Sports, na we yaje gushyigikira umufana mugenzi we

Rujugiro yapfukamye ati nyemerera tubane

Yamwambitse impeta y'urukundo rudashira

Indabo z'amaroza na zo zari zazanywe mu birori

Uwimana Dovine byamurenze ararira

Rujugiro yasabye umukunzi we kumubera umugore

Bakatanye cake y'ibyishimo