Ronaldo aganira n’ikinyamakuru Globo Esporte cyo mu gihugu cye, yakibwiye ko hari byinshi bituma yifuza uyu mwanya, ahanini bitewe n’igikundiro cy’Ikipe y’Igihugu.

Ati “Mfite impamvu ibihumbi zinsunikira kuba umukandida ku mwanya wa perezida muri CBF. Ndashaka kongera kugarura igitinyiro n’icyubahiro Ikipe y’Igihugu ya Brésil (Seleção) yahoranye na n’ubu kidakwiye undi uwo ari we wese.”

Uyu mugabo w’imyaka 48, yifuza kuzasimbura Ednaldo Rodrigues uzarangiza amasezerano mu 2026.

Ronaldo yanyuze mu makipe akomeye arimo FC Barcelona na Real Madrid zo muri Espagne, Inter Milan na AC Milan zo mu Butaliyani, PSV Eindhoven yo mu Buholandi n’izindi.

Kugeza ubu yari afite imigabane muri Real Valladolid yo muri Espagne, akaba yaramaze kumvikana n’abazayigura kugira ngo itazamubangamira igihe azaba yiyamamaza.

Ronaldo Nazário yifuza ko Ikipe y'Igihugu ya Brésil yongera kuba igihangange

Ronaldo Nazário yabaye rutahizamu ukomeye wa Brésil

Ronaldo Nazário ari mu bakinnyi begukanye Ballon d'Or

Ronaldo ni umunyabigwi mu mupira w'amaguru