00:00:00 IGIHE NETWORK KN KINYARWANDA EN ENGLISH FR FRANCAIS

Real Madrid yegukanye igikombe cya 14 cya Champions League

Yanditswe na Umwali Zhuri
Kuya 29 May 2022 saa 02:18
Yasuwe :

Real Madrid yegukanye igikombe cya UEFA Champions League ku nshuro ya 14 nyuma yo gutsinda Liverpool igitego kimwe ku busa mu mukino wabereye kuri Stade de France i Paris.

Ni umukino wari wahagurukije Isi yose, aho abakunzi b’umupira w’amaguru bari biteze ko Liverpool ishobora kwihorera kuri Real Madrid yayitwaye iki gikombe mu 2018.

Ku rundi ruhande, hari ihurizo bibaza niba Real Madrid ishobora gutsinda indi kipe yo mu Bwongereza nyuma yo gukuramo Chelsea na Manchester City mu byiciro byabanje.

Igice cya mbere cy’umukino cyihariwe na Liverpool ndetse ni nayo yabonye uburyo bwinshi bw’ibitego harimo ubwabonywe na Mo Salah inshuro ebyiri ndetse n’umupira Sadio Mane yateye ukagarurwa n’igiti cy’izamu.

Mbere y’uko igice cya mbere kirangira, Real Madrid yatsinze igitego ariko nyuma yo kugenzura igihe kinini, VAR iza kwemeza ko yari yaraririye.

Igice cya kabiri cyatangiye Real Madrid iri hejuru ndetse igerageza guhana umupira ku buryo hashize iminota icumi bigaragara ko yinjiye mu mukino ugereranyije n’igice cya mbere.

Ku munota wa 59, Vinicius Junior yatsinze igitego nyuma y’umupira mwiza yahawe na Fede Valverde.

Liverpool yagerageje uburyo bwose bwo kwishyura gusa inshuro zose umunyezamu wa Real Madrid, Thibaut Courtois, ayibera ibamba inanirwa gutera mu izamu.

Igikombe Real Madrid yegukanye ni icya 14 kuva iri rushanwa ryabaho. Igiheruka yari yacyegukanye mu 2018.
Ibikombe 14 ifite yabyegukanye mu 1956, 1957, 1958, 1959, 1960, 1966, 1998, 2000, 2002, 2014, 2016, 2017, 2018 na2022.

AC Milan ni yo iyikurikira mu kugira ibikombe byinshi (7) mu gihe Bayern Munich na Liverpool ziyigwa mu ntege n’ibikombe bitandutu.

Zinedine Zidane wahoze atoza Real Madrid yari yitabiriye uyu mukino w'ikipe yanakiniye
Salah yarase uburyo bwinshi bwari kubyara igitego
Ni umukino utigeze ubonekamo amakarita menshi usibye imwe yahawe Fabinho
Mane ni umwe mu bakinnyi ba Liverpool bagerageje gushaka intsinzi ariko ntibikunde. Aha yari ahanganye na Casemiro
Umunyezamu wa Real Madrid yagoye 100% Liverpool ibura uburyo bwo gutsinda
Vinicius ubwo yishimiraga igitego kimwe cyabonetse muri uyu mukino ku munota wa 59
Courtois yarokoye Real Madrid inshuro nyinshi
Eduardo Camavinga, Federico Valverde, Rodrygo na Vinícius bishimira intsinzi
Modric na Toni Kroos basazwe n'ibyishimo ubwo umukino wari urangiye
Luca Modric n'umutoza we Carlo Ancelotti bari mu bicu ubwo Real Madrid yatsindaga
Byari ibyishimo ku bakinnyi ba Real Madrid mu gihe aba Liverpool bari mu gahinda
Marcelo yateruye igikombe cya 25 akinira Real Madrid
Modric ari mu bakinnyi ba Real Madrid begukanye iki gikombe ku nshuro ya gatanu
Real Madrid yakoze amateka yegukana igikombe cya 14 cya Champions League
Vinicius Jr yishimiye kuba yatsinze igitego cyahesheje Real Madrid igikombe

Kwamamaza

Kwamamaza

Kwamamaza

TANGA IGITEKEREZO

AMATEGEKO AGENGA IYANDIKA RY'IGITEKEREZO CYAWE
Kwamamaza

Special pages
. . . . . .