Rayon Sports yasinyishije rutahizamu ukomoka muri Cameroun

Yanditswe na Eric Tony Ukurikiyimfura
Kuya 21 Mutarama 2020 saa 11:47
Yasuwe :
0 0

Rayon Sports yasinyishije rutahizamu w’Umunya-Cameroun Banen Phlippe Arthur ku masezerano y’imyaka ibiri avuye muri Union de Douala.

Iyi kipe ifite igikombe cya Shampiyona y’umwaka ushize w’imikino, ikomeje kwiyubaka muri iri soko ry’igura n’igurisha.

Nyuma yo kugura Niyonzima Ally mu cyumweru gishize, kuri ubu Rayon Sports yaguze kandi rutahizamu ukomoka muri Cameroun, Banen Phlippe Arthur, washyize umukono ku masezerano muri iki gitondo cyo kuri uyu wa Kabiri.

Umuvugizi wa Rayon Sports, Nkurunziza Jean Paul, yabwiye IGIHE ko uyu mukinnyi yahawe amasezerano y’imyaka ibiri.

Abaye umukinnyi wa kane mushya usinyiye Rayon Sports nyuma ya Drissa Dagnogo ukomoka muri Côte d’Ivoire, Kayumba Soter wavuye muri AFC Leopards na Niyonzima Ally wakinaga muri Oman.

Rayon Sports ya kabiri muri Shampiyona n’amanota 38, aho irushwa amanota ane na APR FC ya mbere, izagaruka mu kibuga ku wa Gatandatu tariki ya 25 Mutarama 2020, ihura na Police FC mu irushanwa ry’Igikombe cy’Intwari 2020.


Kwamamaza

Kwamamaza

Kwamamaza

TANGA IGITEKEREZO

AMATEGEKO AGENGA IYANDIKA RY'IGITEKEREZO CYAWE

Kwamamaza

Kwamamaza