00:00:00 IGIHE NETWORK KN KINYARWANDA EN ENGLISH FR FRANCAIS

Rayon Sports y’Abagore yatsinze ibitego 16, APR ibona intsinzi ya mbere muri Shampiyona

Yanditswe na IGIHE
Kuya 27 Ukuboza 2022 saa 06:09
Yasuwe :

Rayon Sports y’Abagore yanyagiye Nyagatare WFC ibitego 16-0 birimo birindwi byinjijwe na Manizabayo Florence mu mukino w’Umunsi wa Kane wa Shampiyona y’Icyiciro cya Kabiri wakinwe kuri uyu wa Kabiri, tariki ya 27 Ukuboza 2022.

Muri uyu mukino wo mu Itsinda B wabereye mu Nzove, igice cya mbere cyarangiye Rayon Sports WFC yamaze gutsinda ibitego 9-0 mu gihe mu cya kabiri habonetsemo ibindi bitego birindwi.

Manizabayo Florence yatsinzemo ibitego birindwi, Uwanyirigira Sifa atsinda bitatu, Scolastique atsinda bibiri naho Nyiransengiyumva Dorice, Uwase Andersène, Uwiringiyimana Rosine na Niyonkuru Chance batsinda kimwe kuri buri wese.

Gutsinda uyu mukino byatumye Rayon Sports igira amanota icyenda mu mikino itatu aho izigamye ibitego 33, yo ikaba itarinjizwa igitego.

Ni ubwa kabiri iyi kipe yambara ubururu n’umweru itsinze ibitego 16-0 muri Shampiyona. Ku mukino wa mbere yari yabitsinze Gatsibo WFC.

Rayon Sports izasubira mu kibuga ku wa 3 Mutarama 2023 ubwo izaba yakiriwe na Nasho S.A ku Munsi wa Gatanu wa Shampiyona.

Mu Itsinda A, APR WFC yabonye intsinzi ya mbere aho yatsindiye Macuba WFC i Nyamasheke ibitego 3-0 byose byabonetse mu minota 10 ya nyuma.

Mu mikino itatu iheruka, APR yari yanganyije na Tiger WFC igitego 1-1, Forever Girls [1-1 ] ndetse na AS Kabuye WFC ubusa ku busa.

Ku munsi wa Gatanu wa Shampiyona, APR WFC izaruhuka, izasubire mu kibuga ku wa 8 Mutarama 2023 yakira UR CMHS WFC.

Rayon Sports ikomeje kwigisha umupira muri Shampiyona y'Icyiciro cya Kabiri mu bagore
APR WFC yabonye intsinzi ya mbere mu mikino ine nyuma yo gutsindira Macuba WFC i Nyamasheke

Kwamamaza

Kwamamaza

Kwamamaza

TANGA IGITEKEREZO

AMATEGEKO AGENGA IYANDIKA RY'IGITEKEREZO CYAWE
Kwamamaza

Special pages
. . . . . .