Ni umukino wakinwe kuri uyu wa Gatandatu, tariki ya 17 Kanama 2024, nyuma y’amasaha make abakinnyi ba Rayon Sports bageze muri iki gihugu cyahuriyemo ibyo muri CACAFA.

Agace ka CECAFA kagizwe n’amatsinda abiri, Gikundiro iri mu rya mbere hamwe na CBE FC yo muri Ethiopia, Yei Joints Stars FC yo muri Sudani y’Epfo, Kenya Police Bullets FC na Warriors Queens FC yo muri Zanzibar.

Mu mukino wa mbere Rayon Sports WFC ntabwo yahiriwe kuko yatangiye itsindwa kuko Senaf Wakuma ku munota wa mbere na Aregash Kalsa ku munota wa 42 bari bamaze kuyinjizamo ibitego bitatu.

Mu gice cya kabiri Aregash Kalsa yahise ashyiramo ikindi gitego ku munota wa 49 gusa abakinnyi ba Rayon Sports WFC binyara mu isunzu Ukwikunda Jeannette yishyura icya mbere ku munota wa 72.

Iki gitego cyasubije imbaraga abakinnyi ba Rayon Sports WFC bituma nyuma y’indi minota 10 Mukandayisenga Jeannine ‘Kaboy’ ayishyurira icya kabiri.

Umukino warangiye abakinnyi b’Umutoza Rwaka Claude batabashije kwishyura ibitego byose batakaza umukino ubanza bategereza ukurikiraho uzabahuza na Yei Joint Stars yo muri Sudani y’Epfo ku itariki ya 21 Kanama.

Rayon Sports WFC yatangiye gushaka itike yo gukina imikino ya nyuma ya CAF Champions League

Abakinnyi 11 CBE FC yabanje mu kibuga

Abakinnyi 11 Rayon Sports WFC yabanje mu kibuga

Rayon Sports yatakaje umukino wa mbere yahuriyemo na CBE FC

CBE FC yabonye amanota ya mbere mu mikino yo gushaka uko izakina CAF Champions League