Rayon Sports na Mukura, APR FC na Kiyovu SC zatomboranye muri 1/8 cy’Igikombe cy’Amahoro

Yanditswe na Eric Tony Ukurikiyimfura
Kuya 17 Gashyantare 2020 saa 11:33
Yasuwe :
0 0

Tombora y’uburyo amakipe azahura muri 1/8 cy’Igikombe cy’uyu mwaka wa 2020, yabaye kuri uyu wa Mbere ku cyicaro cya FERWAFA I Remera, yasize Rayon Sports izahura na Mukura Victory Sports mu gihe APR FC yatomboye Kiyovu Sports.

Uyu mwaka haba tombora nyuma ya buri cyiciro mu Gikombe cy’Amahoro cyatangiye mu ntangiriro z’uku kwezi hakinwa ijonjora ry’ibanze ryasize hakomeje amakipe 16 muri 24 mu cyumweru gishize.

Mu gitongo cyo kuri uyu wa Mbere tariki ya 17 Gashyantare 2020, ku cyicaro cya FERWAFA i Remera, habereye tombora y’uburyo amakipe azahura muri 1/8.

Rayon Sports iheruka kwegukana iri rushanwa mu 2016, yatomboye kuzahura na Mukura Victory Sports yayitsindiye ku mukino wa nyuma mu 2018.

Undi mukino ukomeye muri iki cyiciro uzahuza APR FC imaze kwegukana iri rushanwa kenshi kurusha izindi (inshuro icyenda) hamwe na Kiyovu Sports yatsindiwe ku mukino wa nyuma mu mwaka ushize.

AS Kigali ifite irushanwa riheruka, izahura na Rutsiro FC yo mu cyiciro cya kabiri.

Igihe imikino ibanza n’iyo kwishyura izakinirwa kizatangazwa mu gihe kiri imbere bitewe n’impinduka zabayemo kubera imikino ibiri ya gicuti Amavubi azahura na Cameroun na Congo Brazzaville tariki ya 24 n’iya 28 Gashyantare 2020 mu kwitegura CHAN 2020.

Uko amakipe yatomboranye muri 1/8 cy’Igikombe cy’Amahoro 2020

  • Rayon Sports vs Mukura VS
  • Gicumbi FC vs Gorilla FC
  • Muhanga FC vs Musanze FC
  • Police Fc vs Aspor FC
  • Etincelles vs SunriseFC
  • Rustiro FC vs AS Kigali
  • Marines FC vs Vision Fc
  • APR FC vs Kiyovu Sports

Kwamamaza

Kwamamaza

Kwamamaza

TANGA IGITEKEREZO

AMATEGEKO AGENGA IYANDIKA RY'IGITEKEREZO CYAWE

Kwamamaza

Special pages
. . . . . .