00:00:00 IGIHE NETWORK KN KINYARWANDA EN ENGLISH FR FRANCAIS

PSG ishobora guhagarika gukinira i ‘Parc des Princes’

Yanditswe na IGIHE
Kuya 15 Mutarama 2023 saa 03:45
Yasuwe :

Ubuyobozi bwa Paris Saint Germain bwatangaje ko iyi kipe ishobora guhagarika gukinira kuri ‘Parc des Princes’ nyuma y’uko ubuyobozi bw’Umujyi wa Paris bwanze kuyibugurisha.

Mu kiganiro Umuyobozi w’Umujyi wa Paris, Anne Hidalgo, yagiranye n’itangazamakuru ku wa Gatandatu, yatangaje ko ‘Parc des Princes’ itagurishwa, ibintu byatumye Paris Saint Germain yashakaga kugura iyi stade isubiza amerwe mu isaho.

Amakuru dukesha France24 avuga ko nyuma y’uko Meya Hidalgo atangaje ibi, umuvugizi wa PSG yavuze ko icyemezo cy’uyu mugore gisa no kubirukana kuri iyi stade.

Ati “Meya ari gusunikira PSG kuva mu rugo. Buri wese azahombera muri iki cyemezo cye. PSG yahatiwe gushaka ahandi hantu ho kwimurira ikipe. Ibi ntabwo ari byo ikipe n’abafana ba yo bari biteze.”

PSG yatangiye gukinira no kwakirira imikino kuri Parc Des Princes mu 1974, nyuma y’imyaka 77 iyi stade itashywe. Iyi kipe yagiye igaragaza ko ishaka kwegukana iyi stade ifite ubushobozi bwo kwakira abantu 48.000 ariko ubuyobozi bw’Umujyi wa Paris bukayibera ibamba.

PSG ishobora guhagarika gukinira i ‘Parc des Princes’ nyuma yo kutumvikana n’ubuyobozi bw’Umujyi wa Paris ku cyemezo cyo kugura iyi stade

Kwamamaza

Kwamamaza

Kwamamaza

TANGA IGITEKEREZO

AMATEGEKO AGENGA IYANDIKA RY'IGITEKEREZO CYAWE
Kwamamaza

Special pages
. . . . . .