Premier League yanze guhagarika Shampiyona, stade zimwe zongera gukumirwaho abafana

Yanditswe na Bukuru JC
Kuya 31 Ukuboza 2020 saa 01:11
Yasuwe :
0 0

Shampiyona y’Icyiciro cya Mbere mu Bwongereza, Premier League, yavuze ko nta gahunda ifite yo guhagarika imikino nubwo hakomeje kugaragara ubwiyongere bw’ubwandu bwa COVID-19 mu makipe.

Kuwa Kabiri, ibisubizo by’ibipimo biheruka gufatwa amakipe 20 akina mu Cyiciro cya Mbere mu Bwongereza, byagaragaje ko abarwayi bashya ba COVID-19 ari 18 ndetse akaba ari ku nshuro ya mbere habonetse benshi kuva muri Kanama.

Ubwandu bushya bwagaragaye mu ikipe ya Fulham bwatumye Premier League ifata umwanzuro wo gusubika umukino wari kuyihuza na Tottenham kuwa Gatatu.

Umutoza wa West Bromwich Albion, Sam Allardyce, yasabye ko habaho ikiruhuko ariko Premier League yavuze ko “itaganiriye ku buryo imikino yahagarikwa.”

Yakomeje ivuga ko “imikino izakomeza kuko yizeye ko amabwiriza yashyizeho yo kwirinda COVID-19 azafasha gukomeza gukina nk’uko byateganyijwe.”

Muri iki cyumweru, hasubitswe imikino ibiri y’umunsi wa 16 wa Premier League irimo n’uwari guhuza Everton na Manchester City kuwa Mbere.

Ikipe ya Sheffield United nayo yatangaje ko ifite umubare utari muto w’ubwandu bwa COVID-19 mu bipimo biheruka gufatwa.

Nubwo Premier League ikomeje gahunda zayo, abafana bongeye kubuzwa gusubira ku bibuga dore ko amabwiriza yo kwirinda COVID-19 yakajijwe mu Bwongereza.

Umujyi wa Liverpool nawo washyizwe mu cyiciro cy’aho abantu benshi babujijwe guhurira hamwe, bivuze ko ku bibuga bya Anfield na Goodison Park (stade ya Everon), abafana batemewe mu gihe ibibuga byombi byaherukaga kwemererwa kwakira abantu 2000.

Stade ya Liverpool n'iya Everton ziri mu bibuga byabujijwe gukomeza kwakira abafana muri iki gihe COVID-19 yongeye gukaza umurego

Kwamamaza

Kwamamaza

Kwamamaza

TANGA IGITEKEREZO

AMATEGEKO AGENGA IYANDIKA RY'IGITEKEREZO CYAWE
Kwamamaza

Special pages
. . . . . .