00:00:00 IGIHE NETWORK KN KINYARWANDA EN ENGLISH FR FRANCAIS

Premier League yagarutse nyuma y’iminsi 43 ihagaze

Yanditswe na IGIHE
Kuya 26 Ukuboza 2022 saa 08:08
Yasuwe :

Shampiyona y’Icyiciro cya Mbere mu Bwongereza ikundwa n’abatari bake yagarutse nyuma y’ibyumweru bitandatu ihagaze kubera Igikombe cy’Isi cya 2022 ndetse igiye gukinwa nyuma y’iminsi umunani gusa habaye umukino wa nyuma w’iri rushanwa ryabereye muri Qatar.

Kuri uyu wa Mbere, tariki ya 26 Ukuboza 2022, umunsi ukurikira Noheli uzwi nka “Boxing Day”, ni bwo Premier League isubukurwa hakinwa Umunsi wa 17 nubwo amakipe menshi yakinnye imikino 15.

Bitandukanye n’ahandi, Shampiyona y’Icyiciro cya Mbere mu Bwongereza igira umwihariko wo gukomeza mu minsi mikuru isoza umwaka, aho hari imikino itoranywa kugira ngo izabe icyo gihe.

Arsenal iyoboye urutonde n’amanota 37 mu mikino 14, irakira West Ham United kuri Emirates Stadium mu mukino ishobora kongereramo ikinyuranyo cy’amanota atanu ari hagati yayo na Manchester City ya kabiri, kikaba cyagera ku manota umunani. City izakirwa na Leeds United ku wa Gatatu nimugoroba.

Urugamba rwo kuguma mu makipe ane ya mbere akina Champions League na rwo rurakomeza kuri uyu wa Mbere hakina Tottenham ya kane, Newcastle United ya gatatu, Liverpool ya gatandatu na Chelsea ya munani.

Aya makipe uko ari ane arahura na Brentford, Leicester City, Aston Villa na Bournemouth uko zikurikirana.

Manchester United ya gatanu izajya mu kibuga ku wa Kabiri, ihura na Nottingham Forest, aho izaba ikeneye kugabanya ikinyuranyo kiri hagati yayo na Tottenham.

Nottingham iri ku mwanya wa 18 n’amanota 13 mu mikino 15 imaze gukina. Gutsindwa na Manchester United, imwe hagati ya Everton na Wolves igatsinda, byatuma kwikura munsi y’umurongo utukura bikomeza kuba ingorabahizi.

Gahunda y’Umunsi wa 27 wa Premier League

Ku wa Mbere, tariki ya 26 Ukuboza 2022

  • Brentford vs Tottenham Hotspur (14:30)
  • Crystal Palace vs Fulham (17:00)
  • Everton vs Wolves (17:00)
  • Leicester City vs Newcastle United (17:00)
  • Southampton vs Brighton & Hove Albion (17:00)
  • Aston Villa vs Liverpool (19:30)
  • Arsenal vs West Ham United (22:00)

Ku wa Kabiri, tariki ya 27 Ukuboza 2022

  • Chelsea FC vs AFC Bournemouth (19:30)
  • Manchester United vs Nottingham Forest (22:00)

Ku wa Gatatu, tariki ya 28 Ukuboza 2022

  • Leeds United vs Manchester City (22:00)
Arsenal ya mbere muri Premier League, irakira West Ham United kuri 'Boxing Day'
Newcastle United ya gatatu, itegerejweho gukomeza kuba mu makipe ahataniye kuzakina Champions League
Everton ya 17 na Wolves ya 20, zirahura zitandukanywa n'amanota ane gusa

Kwamamaza

Kwamamaza

Kwamamaza

TANGA IGITEKEREZO

AMATEGEKO AGENGA IYANDIKA RY'IGITEKEREZO CYAWE
Kwamamaza

Special pages
. . . . . .