Mu ijoro ryo ku wa Gatatu, tariki ya 23 Mata 2025, ni bwo Arsenal na Crystal Palace zahuriye mu mukino w’Umunsi wa 24 wa Shampiyona y’u Bwongereza wabereye Emirates Stadium.

Ni umukino wagombaga gufasha Arsenal ya kabiri ku rutonde rw’agateganyo gukomeza kotsa igitutu Liverpool yamaze gutera intambwe ikomeye iyerekeza ku gikombe.

Amahirwe yo gukomeza kubigeraho ntabwo yari mu ruhande rwayo, dore ko yinjije ibitego bibiri ibifashijwemo na Jakub Kiwior ku munota wa mbere na Leandro Trossard ku wa 42, ariko Eberechi Eze na Jean-Philippe Mateta barabyishyura.

Kubona inota rimwe muri uyu mukino byahesheje Arsenal amanota 67, irushwa 12 na Liverpool iyoboye urutonde itarakina na Tottenham Hotspur.

Liverpool isabwa inota rimwe muri uyu mukino uteganyijwe ku wa 27 Mata 2025, igahita yegukana igikombe cya Shampiyona y’u Bwongereza iheruka mu mwaka w’imikino wa 2019/20.

Uyu ni umukino ifite amahirwe menshi yo gutsinda kuko kuva muri Gicurasi 2011, Liverpool itaratsindirwa Anfield na Tottenham Hotspur.

Arsenal irushwa amanota 12 na Liverpool iyoboye urutonde rwa Shampiyona y'u Bwongereza

Crystal Palace yakuye inota rimwe kuri Arsenal

Arsenal yananiwe kwihagararaho, icyizere cyo gutwara Premier League kirayoyoka

Liverpool iheruka gutwara Premier League mu 2020

Liverpool irasabwa inota rimwe kuri Tottenham ikegukana Igikombe cya Premier League