Pelé yemeje ko ari we wa mbere ku Isi, anavuga urusha undi hagati ya Cristiano Ronaldo na Messi

Yanditswe na Eric Tony Ukurikiyimfura
Kuya 25 Werurwe 2020 saa 03:11
Yasuwe :
0 0

Impaka ku mukinnyi wa mbere ku Isi hagati ya Cristiano Ronaldo na Lionel Messi ntiziteze kuzashira hagati y’abakunzi b’umupira w’amaguru, ariko ku bwa Pelé, asanga kuri ubu Ronaldo ari we uri hejuru.

Hashize imyaka isaga 10 abantu benshi bibaza ku mukinnyi urusha undi hagati ya Cristiano Ronaldo na Lionel Messi, aho aba bombi bamaze gutwara Ballon d’Or 11, zirimo esheshatu za Messi.

Ku bwa Pelé, wabaye umunyabigwi ukomeye mu mupira w’amaguru ubwo yakinaga muri Brésil hagati ya 1956 na 1977, avuga ko Cristiano Ronaldo arusha Messi.

Pelé w’imyaka 79, ngo abishingira ko Ronaldo ubusanzwe atari rutahizamu karemano kandi akaba ahozaho mu kugira ibihe byiza mu kibuga.

Ati “Uyu munsi, umukinnyi mwiza ku Isi ni Cristiano Ronaldo. Ntekerezo ko ari we mukinnyi mwiza kuko ahozaho, ariko na none ntabwo wakwibagirwa Messi, ariko Ronaldo ntabwo ari rutahizamu.”

Muri iki kiganiro yagiranye na Shene ya YouTube ya Pilhado, Pelé yemeje ko bigoye kuvuga umukinnyi w’ibihe byose mu mupira w’amaguru, ariko asanga ntawamuhiga.

Ati “Ni ikibazo gikomeye kugisubiza. Ntabwo twakwibagirwa Zico, Ronaldinho na Ronaldo.”

“Mu Burayi hari Franz Beckenbauer na Yohan Cruyff. Ubu si ikosa ryanjye, ariko nkeka Pelé yari mwiza kurusha abo bose.”

Pelé yavuze ko ameze neza nubwo hari amakuru yaherukaga gutangazwa ko ubuzima bwe bumeze nabi ku buryo adashobora no kujya mu bandi.

Pelé asanga Cristiano Ronaldo ari mukinnyi mwiza Isi ifite muri iki gihe
Pelé yavuze ko kandi ari we mukinnyi w'ibihe byose mu mupira w'amaguru
Cristiano Ronaldo ukinira Juventus amaze kwegukana Ballon d'Or inshuro eshanu
Lionel Messi wa FC Barcelone yatwaye Ballon d'Or inshuro esheshatu

Kwamamaza

Kwamamaza

Kwamamaza

TANGA IGITEKEREZO

AMATEGEKO AGENGA IYANDIKA RY'IGITEKEREZO CYAWE

Kwamamaza

Special pages
. . . . . .