00:00:00 IGIHE NETWORK KN KINYARWANDA EN ENGLISH FR FRANCAIS

Nyuma yo gutakambira Imana Munezero Fiston yabonye ikipe

Yanditswe na Byiringiro Osée Elvis
Kuya 17 August 2022 saa 05:57
Yasuwe :

Myugariro Munezero Fiston ari ku rutonde rw’abakinnyi 14 bashya ikipe ya Espoir Fc izakoresha mu mwaka w’imikino 2022/23.

Uyu musore abashije kugera kuri ibi nyuma y’iminsi 24 asabye Imana kumuha akazi.

Uyu musore mu butumwa aherutse gusangiza abamukurikira ku rubuga rwa WhatsApp yagize ati “Uwiteka Mana yaremye ijuru n’isi na buri kimwe cyose, ndakwinginze cyane kandi cyane ngo ungirire impuhwe n’imbabazi, unsubize mu kazi kanjye.”

Yakomeje agira ati "Dore ko amagambo n’ibikorwa bidakwiye by’abantu bamwe na bamwe byatumye izina ryanjye ryangirika akazi kagapfa. Ngaho ngarukaho nk’uko wagarutse kuri Razaro uramuzura nyuma y’iminsi 4 yari amaze apfuye yongera kubaho."

"Muri iyi Saison (umwaka) nanjye uzure akazi kanjye n’izina ryanjye byongere bibeho mu izina rya Yesu Kirisitu, mbyaturanye umubabaro n’agahinda, nizeye cyane ko uri Imana ishobora byose kandi ikiranuka muri byose nkaba nkwitezeho byose ….. Amen.”

Abakinnyi 14 Espoir yaguze muri iyi mpeshyi bayobowe na rutahizamu Samson Ikechukwu wavuye muri Musanze, Bigirimana Issa, Kwizera Tresor, Mugabo Emmanuel, Byumvuhore Tresor, Ali Shabani Valentin, Ininahazwe Corneille.

Hari kandi na Nyandwi Jerome, Iradukunda Clement, Lulu Thierry, Mugambira Elias, Iradukunda Egide, Barengayabo Abdallah na Munezero Fiston.

Munezero yaherukaga mu kibuga mu 2019 ari muri Kiyovu Sports mu gihe mu Ukwakira 2021 yasinyiye ikipe ya Etoile de l’Est amasezerano y’umwaka umwe aho yari atanzweho miliyoni 1Frw ariko nyuma y’umunsi umwe basesa amasezerano bavuga ko baguze umukinnyi udashoboye.

Usibye kuba uyu mukinnyi yaranyuze mu makipe yo mu Rwanda nka Rayon Sports FC, Police FC na Kiyovu Sport, yakiniye n’ikipe y’Igihugu Amavubi.

Nyuma yo gutakambira Imana Munezero Fiston yabonye ikipe

Kwamamaza

Kwamamaza

Kwamamaza

TANGA IGITEKEREZO

AMATEGEKO AGENGA IYANDIKA RY'IGITEKEREZO CYAWE
Kwamamaza

Special pages
. . . . . .