Umubyeyi wa Pep Guardiola utoza Manchester City yishwe na Coronavirus

Yanditswe na Eric Tony Ukurikiyimfura
Kuya 6 Mata 2020 saa 04:50
Yasuwe :
0 0

Nyina wa Pep Guardiola utoza Manchester City, Dolors Sala Carrió, wari ufite imyaka 82, yitabye Imana kuri uyu wa Mbere tariki ya 6 Mata azize icyorezo cya Coronavirus.

Dolors Sala Carrió yari amaze iminsi arwariye mu rugo i Manresa mu Mujyi wa Barcelone muri Espagne.

Ikipe ya Manchester City yemeje ko nyina wa Pep Guardiola yishwe na Coronavirus, mu butumwa yashyize ku rubuga rwa Twitter.

Yagize iti “Umuryango wa Manchester City ubababajwe no kumenyesha urupfu rwa nyina wa Pep, Dolors Sala Carrió witabye Imana i Manresa muri Barcelone uyu munsi, azize Coronavirus. Yari afite imyaka 82. Buri wese ufite aho ahuriye n’ikipe, yifatanyije na Pep muri ibi bihe bitoroshye, umuryango we n’inshuti ze.”

Mu kwezi gushize, Pep Guardiola yatanze miliyoni 1€ (asaga miliyari 1 Frw) yo gufasha inzego z’ubuzima muri Espagne gukomeza guhangana n’icyo cyorezo.

Espagne iri mu bihugu bibiri byibasiwe cyane na Coronavirus kurusha ibindi ku Isi, aho abasaga ibihumbi 135 bamaze kuyandura mu gihe abapfuye basaga ibihumbi 13.

Aha Pep Guardiola yari kumwe n'umubyeyi we Dolors Sala Carrió mu 2015
Nyina wa Pep Guardiola utoza Manchester City yitabye Imana azize Coronavirus

Kwamamaza

Kwamamaza

Kwamamaza

TANGA IGITEKEREZO

AMATEGEKO AGENGA IYANDIKA RY'IGITEKEREZO CYAWE

Kwamamaza

Special pages
. . . . . .