Uyu mutoza uheruka gutangaza ko azarekera aho ibijyanye n’ubutoza ubwo amasezerano afitanye n’Amavubi azaba ashojwe, yongeye kubazwa niba koko ibyo yatangaje byari ukuri ubwo yari amaze gushyira hanze urutonde rw’abakinnyi azifashisha ku mikino ibiri ya Benin iteganyijwe tariki ya 11 na 15 Ukwakira.

Avuga kuri ibi, Trosten umaze iminsi yitwarana neza n’Amavubi yavuze ko atarafata icyemezo neza ariko byose bizaterwa n’ibiganiro azagirana na Ferwafa ku bijyanye no kongera amasezerano.

Yagize ati “Byose bizaterwa n’uko ibiganiro bizaba byagenze ariko nibigera mu Ukuboza ntarongera amasezerano, rwose byashoboka ko nzahita nsezera ku butoza.”

“Iyo ndebye mbona Ferwafa itanyemera nk’umutoza ukwiye kuyobora Amavubi, iyo bitaba ibyo baba baranganirije. Gusa reka dutegereze turebe iyo bizagana.”

Frank Trosten akaba yananenze Ishyirahamwe ry’Umupira w’Amaguru muri Afurika, CAF, aho kugeza uyu munsi batari bamenya igihugu bazakina mu majonjora y’ibanze yo gushaka itike ya CHAN ndetse u Rwanda nta n’ubwo ruzi niba ruzakina iyi mikino.

Amavubi yahamagaye abakinnyi bitegura imikino ibiri u Rwanda ruzahuriramo na Bénin tariki 11 muri Côte d’Ivoire na tariki 15 Ukwakira 2024 mu mukino uzakinirwa kuri Stade Amahoro.

Amavubi afite amanota abiri mu itsinda D nyuma yo kunganya na Nigeria 0-0

Torsten Frank Spittler utoza Amavubi yahamije ko Ferwafa itamwemera

Yverdon Sports yo mu Cyiciro cya Mbere mu Busuwisi, Kury Johan Marvin ari mu bahamagawe mu ikipe y'igihugu

Hakim Sahabo ntari mu bakinnyi 39 bahamagawe mu ikipe y'igihugu