00:00:00 IGIHE NETWORK KN KINYARWANDA EN ENGLISH FR FRANCAIS

Nizeyimana Olivier uyobora FERWAFA yaganiriye na Perezida Salva Kiir

Yanditswe na Ishimwe Olivier Ba
Kuya 15 July 2022 saa 12:12
Yasuwe :

Nizeyimana Olivier uyobora ishyirahamwe ry’umupira w’amaguru mu Rwanda (FERWAFA) ari kumwe n’umuyobozi w’impuzamashyirahamwe y’umupira w’amaguru muri Afurika (CAF) bahuye na Perezida wa Sudan y’Epfo, Salva Kiir Mayardit muri gahunda yo gutangiza imikino y’amashuri mu bakiri bato.

Mu ruzinduko rw’umunsi umwe umuyobozi w’impuzamashyirahamwe y’umupira w’amaguru muri Afurika CAF Patrice Motsepe yagiriye muri Sudan y’Epfo, yaherekejwe na Nizeyimana Olivier usanzwe uyobora FERWAFA.

Uru ruzinduko rwari rugamije gutangiza irushanwa rya African School Championship aho buri gihugu kizategura amarushanwa mu mashuri abanza, ishuri ryitwaye neza rikaza hagararira igihugu mu mikino ya Pan-Africa school Championship izaba umwaka utaha.

Muri uru ruzinduko Perezida wa FERWAFA Nizeyimana Olivier yagize amahirwe yo kuganira na Perezida wa Sudan y’Epfo Salva Kiir Mayardit. Ibyaganiriweho n’aba bayobozi ntabwo byigeze bitangazwa.

Perezida wa CAF Patrice Motsepe, ari mu ruzindiko mu bihugu bya CECAFA aho yageze muri Sudan y’Epfo avuye muri Ethiopia. Azava muri Sudan y’Epfo yerekeza muri Uganda, akomereze mu Burundi.

Nizeyimana Olivier ari kumwe na Salva Kiir Perezida wa Sudan y'Epfo
Nizeyimana Olivier (wicaye hagati ibumoso) ari kumwe na Patrice Motsepe wegereye Perezida Salva Kiir (ibumoso)

Kwamamaza

Kwamamaza

Kwamamaza

TANGA IGITEKEREZO

AMATEGEKO AGENGA IYANDIKA RY'IGITEKEREZO CYAWE
Kwamamaza

Special pages
. . . . . .