U Rwanda na Nigeria bizahurira mu mukino w’Umunsi wa Gatanu wo mu Itsinda C ryo gushaka itike y’Igikombe cy’Isi cya 2026, uzabera muri Stade Amahoro.

Ikipe y’Igihugu ya Nigeria yageze i Kigali mu byiciro bitatu; ku Cyumweru, ku mugoroba wo ku wa Mbere no mu ijoro ryashize, yakoze imyitozo ya mbere kuri uyu wa Kabiri.

Ni imyitozo yabereye ku kibuga cya Ntare Louisenlund School mu Bugesera, aho yagaragayemo abakinnyi 22 batarimo Alhassan Yusuf utari wagera mu mwiherero w’ikpe aho iri kuba muri Radisson Blu Hotel.

Biteganyijwe ko Nigeria izakora indi myitozo ibiri, irimo iya nyuma izabera muri Stade Amahoro ku wa Kane, mbere yo guhura n’Amavubi ku wa Gatanu.

U Rwanda ruyoboye Itsinda C ryo gushaka itike y’Igikombe cy’Isi n’amanota arindwi mu gihe Nigeria ifite amanota atatu yakuye mu mikino itatu yanganyije.

Victor Osimhen ni umwe mu bakinnyi ba Nigeria bakoze imyitozo kuri uyu wa Kabiri

Ikipe y'Igihugu ya Nigeria yitoreje ku kibuga cy'ibyatsi cya Ntare Louisenlund School mu Bugesera