00:00:00 IGIHE NETWORK KN KINYARWANDA EN ENGLISH FR FRANCAIS

Mutsinzi Ange yajyanye ikipe yo muri Portugal mu nkiko

Yanditswe na IGIHE
Kuya 24 Mutarama 2023 saa 05:01
Yasuwe :

Myugariro w’Ikipe y’Igihugu, Amavubi, Mutsinzi Ange, yajyanye CD Trofense yo mu Cyiciro cya Kabiri muri Portugal mu nkiko kubera ibirarane by’imishahara imubereyemo.

Mutsinzi Ange yareze ikipe ye mu nkiko nyuma yo gutandukana na yo ku bwumvikane tariki ya 21 Ukuboza 2022. Itandukana ry’impande zombi rifitanye isano n’ikibazo cy’ubukene bwugarije iyi kipe.

CD Trofense yari yatangaje ko yahaye ibyo yagombaga uyu mukinnyi mbere yo gutandukana.

Nyuma y’ukwezi Mutsinzi avuye muri iyi kipe, yayijyanye mu rukiko rwo mu Karere ka Porto, arega iyi kipe yavuyemo nyuma y’imyaka igera kuri ibiri ayikinira.

Record yanditse ko Mutsinzi aberewemo umwenda w’amayero asaga ibihumbi 20, ni ukuvuga akabakaba miliyoni 24 Frw. Aya arimo uduhimbazamusyi n’imishahara.

Biteganyijwe ko muri iki cyumweru ari bwo Urukiko rw’Akarere rwa Porto ruzaterana rukumva impande zirebwa n’iki kibazo mbere y’uko rufata umwanzuro.

Mutsinzi Ange yageze muri CD Trofense muri Kanama 2021 avuye muri APR FC, na yo yinjiyemo avuye muri Rayon Sports.

Uyu myugariro yaguzwe na CD Trofense hafi miliyoni 150 Frw (ibihumbi 150$) ku myaka ibiri. Yayikiniye imikino 31, atsindamo igitego kimwe.

Mutsinzi Ange yajyanye CD Trofense yo mu Cyiciro cya Kabiri muri Portugal mu nkiko kubera ibirarane by’imishahara imubereyemo

Kwamamaza

Kwamamaza

Kwamamaza

TANGA IGITEKEREZO

AMATEGEKO AGENGA IYANDIKA RY'IGITEKEREZO CYAWE
Kwamamaza

Special pages
. . . . . .