Ku 10 Gicurasi 2025, ni bwo hakinwe imikino ya ½ cya Shampiyona y’u Rwanda y’Abatarengeje imyaka 17, ikinirwa ku kibuga cy’i Shyorongi.

Ni umukino wakurikiwe na Eric Nshimiyimana utoza Ikipe y’Igihugu y’Abato, na Komiseri ushinzwe Tekinike n’Iterambere rya Ruhago, Sheikh Hamdan Habimana.

Umukino wahuje Musanze FC U17 na Tony FC U17, watangiye utuje cyane amakipe yigana hagati yayo, dore ko aya yombi amaze kuba amakeba kuko yitoreza mu karere kamwe ka Musanze.

Tony FC yagerageza guhanahana neza mu kibuga hagati, ariko abakinnyi ba Musanze FC byagaragaraga ko bashyitse mu mbaraga n’igikuriro, bakababuza amahwemo.

Musanze FC yakinaga imipira yihuta cyane iva inyuma yerekeza ku izamu, byavuyemo n’umusaruro ku munota wa 11 igatsinda igitego cya mbere.

Mbere y’uko igice cya mbere kirangira, TFEP yishyuye iki gitego kuri penaliti, ariko yatewe neza na Seth Karasira Mutagoma, amakipe yombi ajya kuruhuka no kumva inama z’abatoza anganya igitego 1-1.

Mu gice cya kabiri ntabwo TFEP yahiriwe n’umukino, dore ko yasatiriye cyane izamu rya Musanze FC ikanatera mu izamu ariko igitego gikomeza kubura.

Musanze FC yatsinze igitego cya kabiri ku munota wa 53, ihita yegukana umukino. Iyi kipe igomba gutegereza iva hagati ya Gorilla FC na Mahembe FC kugira ngo imenye iyo bizakina ku mukino wa nyuma Rwanda Youth League.

Musanze FC U17 yageze ku mukino wa nyuma itsinze Tony FA U17

Abakinnyi 11 Tony FA yabanje mu kibuga

Umukino wabereye ku kibuga cya Shyorongi

Abasimbura ba Musanze FA

Abakinnyi ba Tony FA babanje ku ntebe y'abasimbura

Dushime Jean Claude ashaka uko anyura mu basore ba Musanze FC

Seth Karasira Mutagoma ni we watsinze igitego cya Tony FA

Bamwe mu babyeyi b'abana bari baje kubashyigikira

Umuyobozi wa Tony Football Excellence Programme, Yonat Tony Miriam Listenberg, yakurkiye umukino w'irerero rye

Eric Nshimiyimana utoza Ikipe y'Igihugu y'Abato yakurikiye imikino y'abana

Ishimwe Alain Fiston ni umwe mu bakinnyi bakomeye ba Tony FA

Dushime Jean Claude ari mu bakinnyi bagaragaza icyizere cya ruhago y'ahazaza

Irushanwa rya FERWAFA Youth League rigeze aho rukomeye

Umunya-Portugal, Andre Rijo, utoza Tony FA ashimira abakinnyi be

Abatoza ntibigeze bicara bitewe no kwifuza intsinzi kuri uyu mukino

Umutoza wa Musanze FA aha amabwiriza abakinnyi be

Abakinnyi ba Musanze FC barushaga imbaraga aba Tony FA mu buryo bugaragara

Amafoto: Kwizera Herve