Muri Premier League habonetse abarwayi 40 bashya ba COVID-19

Yanditswe na Bukuru JC
Kuya 5 Mutarama 2021 saa 08:10
Yasuwe :
0 0

Ibipimo byafashwe amakipe 20 y’Icyiciro cya Mbere mu Bwongereza, Premier League, byagaragaje ko hari abandi bantu 40 banduye COVID-19 barimo abakinnyi n’abakozi b’amakipe.

Uyu mubare w’ubwandu bushya ukubye kabiri abantu 18 baherukaga gutangazwa mu cyiciro cy’ibipimo byafashwe mu mpera za 2020.

Mu byiciro bibiri by’ibipimo byafashwe mu cyumweru gishize, hapimwe abantu 2259 ndetse ni ho hagaragaye ko abarwaye ari 40.

Hagati ya tariki ya 28 n’iya 31 Ukuboza, hagaragaye abarwayi ba COVID-19 bagera kuri 28 mu gihe abandi 12 babonetse hagati ya tariki ya 1 n’iya 3 Mutarama 2021.

Abagera kuri 18 baherukaga gutangazwa ni abari babonetse mu bipimo byo hagati ya tariki ya 21 n’iya 27 Ukuboza 2020.

Amategeko ya Premier League avuga ko abakinnyi n’abakozi b’amakipe banduye COVID-19 bagomba kujya mu kato k’iminsi 10.

Mu cyumweru gishize hasubitswe imikino itatu biturutse kuri iki cyorezo irimo uwari guhuza Manchester City na Everton n’ibiri Fulham yari guhuramo na Tottenham ndetse na Burnley.


Kwamamaza

Kwamamaza

Kwamamaza

TANGA IGITEKEREZO

AMATEGEKO AGENGA IYANDIKA RY'IGITEKEREZO CYAWE
Kwamamaza

Special pages
. . . . . .