00:00:00 IGIHE NETWORK KN KINYARWANDA EN ENGLISH FR FRANCAIS

Munezero Fiston wavuzweho gukoresha amarozi yatakambiye Imana ngo imukorere nk’ibya Razaro

Yanditswe na Iradukunda Olivier
Kuya 23 July 2022 saa 01:56
Yasuwe :

Munezero Fiston, myugariro wakiniye amakipe akomeye mu Rwanda ndetse n’ikipe y’igihugu, yatakambiye Imana ngo imukorere nk’ibyo yakoreye Razaro.

Munezero aratabaza cyane yinginga Imana ngo imugirire impuhwe n’imbabazi yongere kubona akazi.

Uyu musore mu butumwa yasangije abamukurikira ku rubuga rwa Whatsapp yagize ati: “Uwiteka Mana yaremye ijuru n’isi na buri kimwe cyose, ndakwinginze cyane kandi cyane ngo ungirire impuhwe n’imbabazi, unsubize mu kazi kanjye.

"Dore ko amagambo n’ibikorwa bidakwiye by’abantu bamwe na bamwe byatumye izina ryanjye ryangirika akazi kagapfa. Ngaho ngarukaho nk’uko wagarutse kuri Razaro uramuzura nyuma y’iminsi 4 yari amaze apfuye yongera kubaho."

"Muri iyi Saison [umwaka] nanjye uzure akazi kanjye n’izina ryanjye byongere bibeho mu izina rya Yesu Kristo, mbyaturanye umubabaro n’agahinda, nizeye cyane ko uri Imana ishobora byose kandi ikiranuka muri byose nkaba nkwitezeho byose ….. Amen.”

Uyu myugariro yagiye avugwaho ibikorwa bigendanye n’imyitwarire mibi haba mu kibuga ndetse no hanze yacyo. Akiri muri Rayon Sport FC, yavuzweho gukoresha juju [amarozi].

Uyu mukinnyi kandi akiri mu ikipe ya Police FC, tariki 26 Ugushyingo 2018 yatawe muri yombi akekwaho kuba yarasambanyije umwana utaruzuza imyaka y’ubukure. Gusa yaje kurekurwa nyuma y’iminsi 18 iperereza ryerekanye ko uwo mukobwa yari yujuje imyaka 18.

Muri 2019, uyu mugabo yasinyishijwe imyaka ibiri n’ikipe ya Kiyovu Sport FC imukuye muri Musanze FC. Gusa iyi kipe ntibamaranye kabiri kuko yasohowe mu mwiherero nabwo aketsweho imyitwarire mibi n’ubuyobozi bw’iyi kipe. Icyo gihe we yisabiye gutandukana na yo burundu.

Mu Ukwakira 2021 nabwo Munezero Fiston yasinyiye ikipe ya Etoile de l’Est amasezerano y’umwaka umwe aho yari atanzweho miliyoni 1Frw ariko nyuma y’umunsi umwe basesa amasezerano bavuga ko baguze umukinnyi udashoboye.

Usibye kuba uyu mukinnyi yaranyuze mu makipe yo mu Rwanda nka Rayon Sport FC, Police FC na Kiyovu Sport, yakiniye n’ikipe y’Igihugu Amavubi.

Munezero Fiston yanyuze mu ikipe ya Police FC
Imikino yose Fiston Munezero yinjiraga mu kibuga amenamo amazi
Munezero Fiston yakiniye na Kiyovu Sports
Munezero Fiston akinira ikipe ya Police FC

Kwamamaza

Kwamamaza

Kwamamaza

TANGA IGITEKEREZO

AMATEGEKO AGENGA IYANDIKA RY'IGITEKEREZO CYAWE
Kwamamaza

Special pages
. . . . . .