Kuri uyu wa Kane, tariki ya 14 Ugushyingo 2024, ni bwo Sandvikens IF yanyujije ku mbuga nkoranyambaga zayo amakuru avuga ko Mukunzi agiye kongera kuyikinira kugeza mu 2025.

Mu butumwa yatanze yagize iti “Umuyobozi, indwanyi, kabuhariwe mu kibuga hagati. Mukunzi Yannick yiteguye gukina umwaka w’imikino we wa gatandatu muri Sandvikens IF.

Uyu mukinnyi w’imyaka 29, yagaragaje ko yishimiye “kongera kuba umwe mu bagize ikipe.”

Mukunzi yaranzwe n’imvune nyinshi muri iyi kipe zatumye adakina nk’uko abyifuza. Hari iyo yabanje kugira mu ivi mu Ukwakira 2021, biba ngombwa ko bamubaga, ariko inshuro nyinshi yahoraga ayitonekara bigatuma adahozaho.

Muri uyu mwaka ni bwo yasaga n’aho yakize neza ari na bwo yifuza gufatanya na Sandvikens IF gukomeza kwitwara neza mu Cyiciro cya Kabiri iherutse kugeramo, gusa yongera kuvunika bikomeye.

Uyu mukinnyi aheruka mu kibuga tariki ya 16 Kamena, mu mukino batsinzemo Oddevold 2-0. Yannick winjiye mu kibuga ku munota wa 62 ntarongera kugaragara akina, gusa akaba ari gukira kuko yabazwe muri Nzeri 2024.

Mukunzi akinira Sandvikens IF kuva mu 2019, ubwo yayerekezagamo avuye muri Rayon Sports nk’intizanyo.

📄✍️ | Ledare, kämpe, mittfältsgenereral. Yannick Mukunzi.
Rwandiern är klar för sin sjätte säsong i Sandvikens IF.

🔗 Läs mer:https://t.co/5wFg3UZPXJ

🇷🇼 𝐘𝐚𝐧𝐧𝐢𝐜𝐤 𝐌𝐮𝐤𝐮𝐧𝐳𝐢 𝐡𝐚𝐬 𝐬𝐢𝐠𝐧𝐞𝐝 𝐟𝐨𝐫 𝐨𝐧𝐞 𝐦𝐨𝐫𝐞 𝐲𝐞𝐚𝐫. pic.twitter.com/cF9iI2humk

— Sandvikens IF (@SandvikensIF) November 14, 2024

Mukunzi Yannick ntiyabonye umwanya uhagije wo gukina kubera imvune

Mukunzi Yannick yongereye amasezerano azamugeza mu 2025