Muri uyu mukino Mugisha Bonheur yarebye mu izamu ku munota wa 94, ni ukuvuga ku wa kane w’inyongera, bihesha ikipe ya APR FC kugira amanota 51.

APR FC ibitse igikombe cya shampiyona, yahise ifata umwanya wa mbere kuko irusha Kiyovu SC inota rimwe, yo ifite 50.

Kiyovu SC yatakaje uyu mwanya nyuma yo gutsindwa na Gasogi United ibitego 2-0 mu mukino wakinwe ku wa Gatanu.

Umukino wahuje APR FC na Bugesera FC wabereye mu Mujyi wa Nyamata. Wari umukino Bugesera FC yari yiteguye cyane kuko iminota isanzwe yarangiye amakipe anganya 0-0 ariko APR FC yakomeje gukinira imbere y’izamu rya Bugesera yayinjije igitego habura amasegonda make ngo urangire.

APR FC yari yakoze impinduka muri 11 isanzwe ibanzamo, hari hitabajwe abarimo Nizeyimana Djuma na Nsanzimfura Keddy, abakinnyi badakunze kwitabazwa babanje mu kibuga.

Nizeyimana yari yaje mu mwanya wa Byiringiro Lague mu gihe Nsanzimfura yari mu wa Ruboneka Bosco ukina hagati mu kibuga.

Undi mukino wakinwe, AS Kigali yanganyije na Etincelles FC ibitego 2-2 mu mukino wabereye kuri stade ya Kigali i Nyamirambo.

Ibitego bya Etincelles FC byatsinzwe na Rachid Mutebi (53’, 90+4’); ni ku mipira yahawe na Mbula Jonathan ndetse Mudeyi Suleiman.

AS Kigali yatsindiwe na Shaban Hussein Tchabalala ku munota wa 80 ndetse na Sarpong Michael wabonye inshundura ku munota wa 82.

Kugeza ubu APR FC ni yo iri ku mwanya wa mbere n’amanota 51, Kiyovu SC ifite amanota 50 mu gihe Mukura VS ifite amanota 38 ku mwanya wa gatatu, ikaba inganya na Rayon Sports ya kane.

Ruboneka Bosco ashaka uko yarekura ishoti rikomeye

Nizeyimana Djuma agenzura umupira hagati mu kibuga

Myugariro wa Bugesera FC, Muhinda Bryan, akinira imbere ya Bizimana Yannick wa APR FC

Myugariro wa Bugesera FC, Kato Samuel Nemeyimana mu kirere hejuru ya Bizimana Yannick

Kwitonda Alain Bacca yahuraga n'ikipe yahoze akinira

Mugisha Bonheur yafashije APR FC kuza ku mwanya wa Mbere nyuma yo kuyitsindira igitego kimwe ku mukino wayihuje na Bugesera FC

Abatoza n'abakinnyi ba APR FC bishimira igitego rukumbi cyabonetse muri uyu mukino

Abafana ba Bugesera FC batije ikipe yabo umurindi ariko inanirwa kwihagararaho imbere yabo

Abafana ba APR FC bari benshi muri Stade ya Bugesera baherekeje ikipe yabo

Mugisha Bonheur anyuza umupira mu bakinnyi ba Bugesera FC

Mucyo Didier arekura umupira

Manishimwe Djabel imbere ya Saddick Sulley

Umunyezamu wa Bugesera FC, Nsabimana Jean de Dieu akuramo umupira

Umunyezamu wa Bugesera FC Nsabimana Jean de Dieu

Ubwo APR FC yasatiraga ishaka igitego

Saddick Sulley (15) wa Bugesera FC ahanganye na Mugisha Bonheur

Ubwo APR FC yasatiraga ishaka igitego

Ombolenga Fitina agenzura umupira

Nsabimana Jean de Dieu afata umupira

Nizeyimana Djuma yari yabanje mu kibuga

Myugariro w'ibumoso wa APR FC, Niyomugabo Claude

Myugariro wa Bugesera FC, Muhinda Bryan ari imbere ya Bizimana Yannick

Mutarambirwa Djabil umutoza wungirije muri Bugesera FC asuhuzanya na Mohammed Adil Erradi wa APR FC

Mugunga YVes ku mupira ahanganye na Kato Samuel Nemeyimana

Kwitonda Alain Bacca wa APR FC yahuraga na Bugesera FC yahozemo

Kato Samuel Nemeyimana ahanganye na Nshuti Innocent

Hoziyana Kennedy agenzura umupira hagati mu kibuga

Hoziyana Keneddy mu kirere

David Chukuma imbere ya Ombolenga Fitina

Bizimana Yannick ku mupira imbere ya Kato Samuel Nemeyimana

Abasifuzi n'abakapiteni mbere y'itangira ry'umukino

Abakinnyi ba Bugesera FC bajya inama

Abakinnyi ba APR FC barimo abasimbura bishimira igitego

Abafana ba APR FC barashima kuba basubiye ku mwanya wa mbere

Amafoto: Uwase Aliah