Mugheni Fabrice yatowe nk’umukinnyi w’ukwezi wa Rayon Sports (Amafoto)

Yanditswe na Eric Tony Ukurikiyimfura
Kuya 13 Gashyantare 2020 saa 09:26
Yasuwe :
0 0

Uruganda rwenga ibinyobwa ‘Skol Brewery Ltd Rwanda’ rufatanyije n’itsinda ry’abafana ba Rayon Sports rya ‘March’ Generation’ bahembye Mugheni Kakule Fabrice ukina hagati mu kibuga nk’umukinnyi witwaye neza kurusha abandi mu kwezi gushize kwa Mutarama 2020.

Iki gikorwa cyo guhemba abakinnyi ba Rayon Sports buri kwezi cyatangijwe n’itsinda ry’abafana rya ‘March Generation’ giterwa inkunga n’Uruganda rwa Skol.

Kuri uyu wa Kane, tariki ya 13 Gashyantare 2020, nibwo hahembwe umukinnyi witwaye neza muri Mutarama 2020, igikorwa cyabereye mu Nzove, cyitabirwa n’abakinnyi bose b’iyi kipe bari basoje imyitozo.

Igihembo, ibahasha y’ibihumbi 100 Frw, igikapu, umupira wo gukina na écouteurs za Skol ni byo byahawe uyu mukinnyi ukina mu kibuga hagati imbere ya ba myugariro, Mugheni Kakule Fabrice, wahigitse Kapiteni wa Rayon Sports, Rutanga Eric, na rutahizamu Bizimana Yannick wagitwaye mu nshuro ebyiri ziheruka.

Nyuma yo gushyikirizwa igihembo, Mugheni Fabrice, yashimiye cyane abafana ba Rayon Sports basanze akwiye iki gihembo na bagenzi be bamufashije kubigeraho.

Ati ”Mbere na mbere ndashimira Imana, ndashimira abafana mwakoze cyane. Ndashimira kandi n’abakinnyi bagenzi banjye bamfashije, mwarakoze cyane.’’

Mugheni Fabrice yahawe iki gihembo nyuma yo gufasha Rayon Sports kwitwara neza mu mikino itandatu iheruka gukina.

Iki gihembo ni icya kane gitanzwe muri uyu mwaka w’imikino wa 2019/20, aho bibiri biheruka byahawe Bizimana Yannick mu gihe icy’Ukwakira cyatwawe na Nizeyimana Mirafa.

Iki gikorwa kiba buri kwezi mu rwego rwo gutera ingabo mu bitugu abakinnyi ba Rayon Sports bitwaye neza, hashishikarizwa n’abandi gukomeza kwitwara neza kuko aribyo bikomeza guha amahirwe ikipe kwitwara neza mu mikino ikina yose.

Umunyamakuru wa Isango Star, Ngabo Robben ayoboye gahunda yo gutanga ibihembo
Ciza Hussein mu muhango wo gutanga ibihembo
Kapiteni wa Rayon Sports, Rutanga Eric ni umwe mu bari bahataniye igihembo cy'uku kwezi
Myugariro Iragire Saidi aseka ubwo yaganiraga na bagenzi be
Umufana wa Rayon Sports, Rwarutabura asoma ku nzoga ya SKOL adafashe ku icupa
Abafana ba Rayon Sports batari bake bari bitabiriye iki gikorwa
Mugheni Fabrice yashyikirijwe igihembo n'umutoza Kirasa Alain
Mugheni Fabrice ashimira abafana nyuma yo gutorwa nk'umukinnyi w'ukwezi wa Rayon Sports
Bamwe bafataga amashusho ya Mugheni
Abafana bakomera amashyi Mugheni Fabrice wavuze ijambo rye mu Kinyarwanda
Bamwe mu bagize March' Generation bafata ifoto hamwe na Mugheni Fabrice

Amafoto: Umurerwa Delphin


Kwamamaza

Kwamamaza

Kwamamaza

TANGA IGITEKEREZO

AMATEGEKO AGENGA IYANDIKA RY'IGITEKEREZO CYAWE

Kwamamaza

Kwamamaza