Abayobozi b’amakipe yombi Shema Fabrice wa AS Kigali na Mvukiyehe Juvénal wa Kiyovu Sports bari bicaye mu myanya y’icyubahiro muri Stade ya Kigali, bakurikiye abasore babo uko bari bakomeje kwitwara.

Uko igitego cyajyagamo ni ko utsinze yishimaga ku utsinzwe, ibi byakozwe inshuro ebyiri zikurikiranya na Mvukiyehe dore ko mu minota 13 gusa yari amaze kwiterera hejuru inshuro ebyiri.

Gusa ibi si ko byakomeje kuko inshuro enye zakurikiyeho zihariwe na Perezida wa AS Kigali, Shema Fabrice; Umunyamabanga Gasana Francis; Team Manager, Bayingana Innocent, umufana ukomeye wahoze ari n’Umunyamabanga Nshimiye Joseph n’abandi bari ku ruhande rw’abanyamujyi.

Uko bahagurukaga mu ntebe zabo bitereraga hejuru basigaga Mvukiyehe yicaye abareba bamukikije impande zose, nta byishimo byagaragaraga ku maso ye kugeza umukino urangiye.

Nk’umunyamupira ariko nyuma y’umukino, yakoze mu ntoki ashimira abayobozi ba AS Kigali bamutsinze bamuturutse inyuma.

Nyuma y’uyu mukino, AS Kigali yahise ifata umwanya wa mbere n’amanota 23 mu mikino 11, irusha Rayon Sports ya kabiri inota rimwe mu mikino 10 mu gihe Kiyovu Sports iza ku mwanya wa gatatu n’amanota 21 mu mikino 12.

Kiyovu Sports izakurikizaho gukina na Police FC, Rwamagana City FC na Marines FC mu gihe AS Kigali izakurikizaho APR FC, Espoir FC na Gorilla FC.

Nshimiye Joseph wa AS Kigali acungira hafi uburyo bwari bugiye kubyara igitego cya kane

Uburyo bwo kubona igitego bwegereje byahangayikishaga Nshimiye Joseph

Mvukiyehe yari yihebye mu minota ya nyuma ikipe ye igaraguzwa agati nyamara yabanje kubyina intsinzi

AS Kigali igeze imbere y'izamu

Uko Nshimiye yishimiraga igitego agahinda karushagaho kuzamukana Mvukiyehe

AS Kigali mu bicu, Mvukiyehe Juvénal mu gahinda

Perezida wa AS Kigali yitegereza umufana mukuru wa AS Kigali, Nshimiye Joseph wari witereye mu bicu mu gihe hirya Makuza Bernard yaganiraga na KNC uburyo Kiyovu Sports ikomeje kwishyurwa ibitego, ibyo byose byaberaga iruhande rwa Mvukiyehe Juvénal wakomezaga kwicwa n’agahinda

Abayobozi ba AS Kigali mu bicu! Perezida Shema Fabrice, Kankindi Anne-Lise ushinzwe Itangazamakuru n'Umunyamabanga, Gasana Francis bari bafite ibyishimo

Nshimiye yaje asanga aba ngo bishimane igitego cya kane ibintu bitaguye neza Perezida wa Kiyovu Sports, Mvukiyehe Juvénal

Umufana mukuru wa AS Kigali, Nshimiye Joseph asuhuzanya na Perezida we Shema Ngoga Fabrice bishimira intsinzi

Ibyishimo by'imbusane hagati ya Nshimiye Joseph na Mvukiyehe Juvénal

Byari ibyishimo ku banyamujyi batsinze ibitego bine byishyura bibiri bari batsinzwe mu minota 13 gusa

Abafana ba AS Kigali bayobowe na Nshimiye Joseph ntibigeze baha agahenge Perezida wa Kiyovu Sports, Mvukiyehe Juvénal. Bishimiraga hafi ye

Nshimiye Joseph na Team Manager wa AS Kigali, Bayingana Innocent mu byishimo. Inyuma umunyamakuru w'imikino kuri B&B FM, Bayingana David yatangariraga ibyo AS Kigali yari imaze gukora

Aba bombi bagwanye mu gituza bishyira kera kubera ibyishimo

Byari ibyishimo kuri AS Kigali nyuma yo gutsinda Kiyovu Sports

Perezida wa Kiyovu Sports, Mvukiyehe Juvénal yaguye mu kantu nyuma y'umukino

Perezida wa AS Kigali, Shema Ngoga Fabrice ashimira mugenzi we wa Kiyovu Sports Mvukiyehe Juvénal nyuma y'umukino mwiza amakipe yombi yagaragaje

Mu gihe abaperezida b'amakipe yombi bakoranaga mu biganza bwa nyuma, na Bernard Makuza wahoze ari Perezida wa Sena ndetse ukunda Kiyovu Sports nawe yiteguraga gukora mu biganza Perezida we

Makuza Bernard utarishimiye uko ikipe ye yitwaye akora Mvukiyehe mu biganza

Abayovu Makuza Bernard na Mvukiyehe bashimira Team Manager wa AS Kigali, Bayingana Innocent wabatsinze abarusha cyane

Abayovu batashye bemeye. Aha Bernard Makuza wihebeye Kiyovu Sports yasezeraga Team Manager wa AS Kigali, Bayingana Innocent

Mvukiyehe Juvénal wa Kiyovu Sports yatsinzwe aremera

Habaye ikiganiro kigufi hagati ya Perezida Mvukiyehe na Team Manager wa AS Kigali, Bayingana

Perezida wa Kiyovu Sports, Mvukiyehe Juvénal, areba mu kibuga cyari kimaze kuberamo ibitangaza byamutunguye

Nshimiye Joseph wa AS Kigali yibutsa Perezida Mvukiyehe ibyo yavuze mbere mu itangazamakuru ko agomba kubabaza Abayovu

Nshimiye Josepgh yereka Mvukiyehe umubare w'ibitego yamutsinze

Batandukanye nk’abanyamupira akanyamuneza ari kose kuri Nshimiye Joseph

Perezida wa Kiyovu Sports, Mvukiyehe Juvénal ni uko yagiye, ava muri stade nyuma yo gutsindwa

Amafoto: Ntare Julius