U Rwanda na Tanzania biri mu itsinda B kimwe na Djibouti, muri iri rushanwa ryahuje ibihugu bitandatu byo muri Afurika y’Iburasirazuba no Hagati (CECAFA).

Tanzania yafunguye amazamu ku munota wa 10, ku gitego cyatsinzwe na Kassimu Ibrahim Yahaya ndetse ihita ibona igitego cya kabiri nyuma y’iminota ine gitsinzwe na Omar Abass Mvungi.

Ikipe y’u Rwanda yagabanyije ikinyuranyo ku munota wa 17, kuri penaliti yinjijwe na Irihamye Eric.

Tanzania yatsinze igitego cya gatatu ku munota wa 60, gitsinzwe Omar Abass Mvungi mu gihe ku munota wa 82, u Rwanda rwahushije indi penaliti yatewe na Irihamye ubwo Salim Saleh yari amaze kugushwa mu rubuga rw’amahina.

Kimwe mu byagarutsweho muri uyu mukino, ni umukinnyi w’Amavubi U-17, witwa Jimmy Gatete wagiye mu kibuga ku minota ya 70, asimbuye.

Gatete wavutse mu 2005, akina mu kibuga hagati asatira izamu, akaba yarahamagawe mu Amavubi U-17 avuye muri Nyagatare Football Academy.

Yitiranwa na Jimmy Gatete wakiniye ikipe y’Igihugu nkuru ‘Amavubi’ hagati ya 2001 na 2009 ndetse akaba yaragize uruhare runini mu guhesha u Rwanda itike ya CAN mu 2004 yabereye muri Tunisia, agahabwa amazina arimo ‘Imana y’ibitego’.

U Rwanda ruzasubira mu kibuga ku wa Gatatu ruhura na Djibouti mu mukino warwo wa nyuma wo mu itsinda B uzatangira saa Cyenda mu gihe Uganda izakina na Kenya biri kumwe mu itsinda A guhera saa Sita z’amanywa.

Amavubi U-17 atozwa na Rwasamanzi Yves, azaba isabwa gutsinda Djibouti ku kinyuranyo cy’ibitego byinshi kugira ngo yiyongerere amahirwe yo kuzagera muri ½.

Muri iri rushnwa rizasozwa ku wa 22 Ukuboza, imikino y’amatsinda izarangira ku wa Gatanu hakinwa imikino ibiri, aho Djibouti izakina na Tanzania guhera saa Sita mu gihe Uganda izakina na Ethiopia saa Cyenda.

Ikibuga cyabanje guterwa imiti yica virusi

Imirongo y'ikibuga iri mu hantu hibandwaho cyane

Aho abakinnyi b'abasimbura n'abatoza bicara, haterwa imiti yica virusi

Ibendera ry'u Rwanda n'irya Tanzania yazamuwe kuri Stade Umuganda mbere y'umukino

Abakinnyi b'u Rwanda babanje mu kibuga, uhereye ibumoso ni: Irihamye Eric, Mbonyamahoro Serieux, Iradukunda Siradji, Muvunyi Danny, Shami Chris, Rushami Ishimwe Alvin, Tabaro Rahim, Salim Saleh, Rugambwa Fred, Hoziyana Kennedy (c) n'umunyezamu Ruhamyankiko Yvan.

Abakapiteni b'amakipe yombi: Hoziyana Kenedy w'Amavubi na Ladaki Chasambi wa Tanzania

Umukino wayobowe n'Umunya-Sudani Sabri Mohamed Fadul

Rushami Ishimwe Alvin asatira Omar Mvungi

Abakinnyi ba Tanzania bishimira igitego cya Kassimu Yahaya kuri Stade Umuganda

Rugambwa Fred akuraho umupira ubwo yari asatiriwe na Kassimu Yahaya

Rushami Ishimwe Alvin ahanganiye umupira na Omar Mvungi

Abakinnyi ba Tanzania bishimira igitego cya kabiri cyatsinzwe na Omar Mvungi

Rutahizamu w'Amavubi U-17, Irihamye Eric, ashaka uko acenga ubwugarizi bwa Tanzania bwarimo Sylvester Otto

Irihamye yahise atanga umupira kuri mugenzi we, Salim Saleh

Salim Saleh ashoreye umupira, akurikiwe na Sylvester Otto

Otto yahise akinira nabi Salim Saleh

Irihamye Eric agarura umupira mbere yo guhindura icyerekezo

Abubakari Lubotile wa Tanzania, akuraho umupira

Rugambwa Fred na Omari Bakari batanguranwa umupira

Omari Bakari yawushyikiriye mbere, arawushorera

Iradukunda Siradji yitegura gutera ishoti ubwo yari imbere ya Ladaki Chisambi wa Tanzania

Mbonyamahoro Serieux yahagobotse ngo yunganire Iradukunda Siradji wagorwaga na kapiteni Ladaki wa Tanzania

Iradukujkunda Siradji areba aho umupira yateye werekeza

Kapiteni w'Amavubi U-17, Hoziyana Kennedy, asatira Mbarak Hussein wa Tanzania

Omari Bakari wa Tanzania ukina iburyo asatira izamu

Mbonyamahoro Serieux aterana umupira Abubakar Sabian wa Tanzania

Tabaro Rahim ukina mu mutima wa ba myugariro, ahindukira nyuma yo gufunga umupira

Rushami Ishimwe Alvin asatira Kassim Yahaya

Mbonyamahoro Serieux ashoreye umupira

Muvunyi Danny agerageza kwambura umupira Omari Bakari

Abanya-Tanzania bagaragaje ingufu nyinshi z'umubiri kurusha abanyarwanda

Mbonyamahoro Serieux atera umupira imbere

Kapiteni wa Tanzania Ladaki Chasambi ni umwe mu bakinnyi b'abahanga bigaragaje

Shami Chris yambura umupira Ladaki mu gihe Mbonyamahoro yari yiteguye kuwufata

Kassim Yahaye asatira izamu ry'u Rwanda ku ruhande rw'ibumoso

Kassim Yahaya yigaragaje muri uyu mukino

Umutoza wa Serengeti Boys ya Tanzania, Swalehe Mohamed

Umutoza w'Amavubi U-17, Rwasamanzi Yves (iburyo) na Gatera Moussa umwungirije

Jimmy Gatete winjiye asimbura, atera umupira imbere ya Omari Yahaya

Abubakar Sabian atera umupira imbere

Mu minota yakinnye, Jimmy Gatete yagerageje kugora ubwugarizi bwa Tanzania

Jimmy Gatete asatira Omari Bakari ukina mu kibuga hagati

Salim Saleh witwaye neza muri uyu mukino yinjirana abakinnyi ba Tanzania barimo Abdulkarim Kiswanya

Salim Saleh yakomezanyije umupira yinjira mu rubuga rw'amahina

Salim Saleh yagushijwe mu rubuga rw'amahina na Omari Bakari, hatangwa penaliti

Irihamye Eric yitegura gutera penaliti ya kabiri muri uyu mukino mu gihe umunyezamu Abdallah Hassani yamusatiraga

Mbonyamahoro Serieux yasubijemo umupira wa penaliti yagaruwe n'igiti cy'izamu, ushyirwa muri koruneri n'umunyezamu

Sibomana Sultan Bobo ari mu bakinnyi b'Amavubi U-17 basimbuye

Mbonyamahoro Serieux ashoreye umupira

Irihamye Eric ashoreye umupira mu gihe yari akurikiwe na Hijja Lidah Shamte wa Tanzania

Sibomana Sultan Bobo atanga umupira mu kibuga hagati

Amafoto: Umurerwa Delphin