Moussa Camara utegerejwe muri Rayon Sports yasanzwemo COVID-19

Yanditswe na Eric Tony Ukurikiyimfura
Kuya 2 Ugushyingo 2020 saa 12:03
Yasuwe :
0 0

Rutahizamu w’Umunya-Mali, Mousaa Camara, utegerejwe muri Rayon Sports, yasanganywe icyorezo cya COVID-19, ashyirwa mu kato.

Camara ni umwe mu bakinnyi bakina hanze Rayon Sports imaze iminsi irambagiza kugira ngo bazayifashe mu mwaka w’imikino wa 2020/21.

Uyu mukinnyi wagombaga kugera mu Rwanda mu ijoro ryo ku wa Gatanu, yasanganywe COVID-19 nyuma y’ibipimo yafashwe ku wa Kane, nk’uko byatangajwe na B&B FM Umwezi kuri uyu wa Mbere.

Moussa Camara yakiniye Rayon Sports hagati ya 2016 na 2017, ayivamo ajya muri Ismaily Sporting Club yo mu Misiri.

Mu 2018, Camara yerekeje muri MO Béjaïa yo muri Algérie, ayimaramo umwaka umwe mu gihe mu 2020 yasinyiye Sohar SC yo muri Oman ari nayo yari agikinira.

Nagera muri Rayon Sports, Moussa Camara azaba yiyongereye ku bandi bakinnyi bashya barimo myugariro Niyigena Clément waguzwe muri APR FC n’umunyezamu Bashunga Abouba wakinaga muri FC Buildcon yo muri Zambia.

Hari kandi Sugira Ernest wongeye gutirwa muri APR FC n’Umunya-Côte d’Ivoire Jean Vital Ourega watiwe muri TP Mazembe yo muri Repubulika Iharanira Demokarasi ya Congo.

Robert Mbelu wagombaga kuva muri TP Mazembe, we yarengejwe ingohe nyuma y’uko nta mpinduka zabaye ku bakinnyi batatu b’abanyamahanga amakipe y’Icyiciro cya Mbere mu Rwanda yemerewe gukoresha mu marushanwa ategurwa na FERWAFA.

Rayon Sports yatangiye imyitozo kuri uyu wa Mbere mu Nzove nyuma y’uko abakinnyi bayo bapimwe COVID-19 ku wa Gatandatu.

Moussa Camara utegerejwe muri Rayon Sports yasanzwemo COVID-19

Kwamamaza

Kwamamaza

Kwamamaza

TANGA IGITEKEREZO

AMATEGEKO AGENGA IYANDIKA RY'IGITEKEREZO CYAWE
Kwamamaza

Special pages
. . . . . .