Uyu mukinnyi yabigarutseho mu mpera z’icyumweru nyuma y’umukino yatsinze Bournemouth ibitego 3-2 birimo bibiri bye.

Yagize ati “Turi hafi mu Ukuboza ariko ntawuranganiriza ku masezerano yo kuguma muri iyi kipe. Birashoboka ko ndi mu nzira zisohokamo kurusha iziyinjiramo.”

Uyu mukinnyi yakomeje avuga ko ibi yabifashe nko gutenguhwa.

Ati “ Murabizi maze imyaka myinshi hano kandi nta kipe nziza nka Liverpool. Gusa ntabwo ibintu biri mu biganza byanjye cyangwa iby’abafana, tuzareba aho bigana.”

Sahah yakomeje avuga ko atarajwe inshinga n’amasezerano kuko ashyize imbere gushaka uko yegukana Igikombe cya Shampiyona na UEFA Champions League.

Uyu Munya-Misiri, ni umwe mu bakinnyi bakomeye ba Liverpool bazasoza amasezerano mu mpera z’uyu mwaka w’imikino hamwe na Trent Alexander-Arnold na Kapiteni Virgil van Dijk.

Salah amaze gutsinda ibitego 10 muri iyi shampiyona aho arushwa bibiri na Erling Haaland.

Salah amaze gutsinda ibitego 10 muri shampiyona

Mohamed Salah ni umwe mu bakinnyi bakomeye ba Liverpool bari gusoza amasezerano