00:00:00 IGIHE NETWORK KN KINYARWANDA EN ENGLISH FR FRANCAIS

Minisitiri Biruta yakiriye Fred Siewe uyobora Ishyirahamwe ry’Imikino y’Abakanyujijeho ku Isi

Yanditswe na Byiringiro Osée Elvis
Kuya 21 Mutarama 2023 saa 03:40
Yasuwe :

Minisitiri w’Ububanyi n’Amahanga, Dr Vincent Biruta, yakiriye Siewe Fred uyobora Ishyirahamwe ry’Imikino y’Abakanyujijeho ku Isi (FIFVE) bagirana ibiganiro by’aho imyiteguro yo kwakira Igikombe cy’Isi cy’Abakanyujijeho igeze.

Ibi biganiro byahuje aba bombi, ku wa Gatanu, tariki 20 Mutarama 2023, byibanze ku kurebera hamwe aho imyiteguro yo kwakira Igikombe cy’Isi cy’Abakanyujijeho igeze ndetse n’uburyo Abanyarwanda baba hanze na bo bazagira uruhare muri iki gikorwa.

U Rwanda rukomeje imyiteguro yo kuzakira iki Gikombe cy’Isi giteganyijwe muri Gicurasi 2024. Muri iyi myiteguro harimo kuvugurura Stade Amahoro izafungurwa ku mugaragaro muri iyi mikino.

Tariki 12 Ukwakira 2022, n ibwo mu mu Mujyi wa Kigali hatangijwe gahunda y’Igikombe cy’Isi cy’Abakanyujijeho mu gikorwa cyiswe “Legends in Rwanda”.

Iki gikorwa cyitabiriwe n’abahoze ari abakinnyi bakanyujijeho ku Isi barimo Umunya-Cameroun Roger Milla, Khalilou Fadiga wahoze akinira Sénégal, Patrick Mboma na we ukomoka muri Cameroun, Umunya-Ghana Anthony Baffoe n’Umufaransa Lilian Thuram.

Mu myiteguro y’iki Gikombe cy’Isi irimo kukimenyekanisha, aba bakinnyi bakanyujijeho bazasura imijyi 11 irimo Johannesburg, Nairobi, Lagos na Abidjan muri Afurika; Brussels, Berlin, Paris na London mu Burayi; Washington DC na Ottawa muri Amerika na Singapore muri Aziya.

Abanyabigwi 40 babiciye bigacika mu mupira w’amaguru barimo Umunya-Cameroun Samuel Eto’o Fils, Umufaransa Claude Makélélé n’Umunya-Brésil Roberto Carlos begerewe mu kumenyekanisha iri rushanwa rizaba mu 2024.

Muri rusange, iki gikombe kizakinwa n’abakinnyi 150 baturutse mu bihugu 40.

Ku wa Gatanu, Minisitiri w'Ububanyi n'Amahanga, Dr Vincent Biruta yakiririye Fred Siewe uyobora Ishyirahamwe ry'Imikino y'Abakanyujijeho muri Ruhaga ku Isi
Baganiye ku ntambwe imaze guterwa mu mitegurire y'Igikombe cy'Isi cy’Abakanyujijeho muri ruhago kizabera mu Rwanda mu 2024
Minisitiri Dr Biruta na Fred Siewe barebeye hamwe kandi uburyo diaspora yagira uruhare mu bikorwa by'Igikombe cy'Isi cy'Abakanyujijeho kizabera mu Rwanda

Kwamamaza

Kwamamaza

Kwamamaza

TANGA IGITEKEREZO

AMATEGEKO AGENGA IYANDIKA RY'IGITEKEREZO CYAWE
Kwamamaza

Special pages
. . . . . .