Michael Sarpong wa Rayon Sport Fc agiye kugurishwa akayabo mu Bushinwa

Yanditswe na Nsengiyumva Emmy
Kuya 13 Ukuboza 2019 saa 10:59
Yasuwe :
0 0

Rutahizamu Michael Sarpong wa Rayon Sport agiye kugurishwa akayabo mu ikipe ya Changchun Yatai Fc yo mu cyiciro cya kabiri muri shampiyona y’u Bushinwa, yamaze kumvikana n’ubuyobozi bw’ikipe y’i Kigali yambara ubururu n’umweru.

Umuvugizi wa Rayon Sport, Nkurunziza Jean Paul, yemeje ko ibiganiro hagati y’impande zombi bikomeje ndetse bisa n’ibiri kurangira.

Nkurunziza yavuze ko birangiye neza Michael Sarpong yahita yerekeza mu Bushinwa, Rayon Sport igahabwa $150 000, ni ukuvuga abarirwa muri miliyoni 140 Frw.

Ati ”Kuba Sarpong yagenda nyuma y’umukino wa APR FC dufite tariki 21 Ukuboza 2019, nibyo amakipe yombi yifuza, ariko ibiganiro nk’uko nabikubwiye birakomeje.”

Aya mafaranga Rayon Sport izahabwa ni ikiguzi cy’amasezerano y’umwaka umwe uyu rutahizamu yari afitiye ikipe ya Rayon Sport, mu gihe we azahabwa $500 000.

Michael Sarpong akinira Rayon Sports guhera muri Nzeli 2018. Mbere yo kugera mu Rwanda yari rutahizamu ngenderwaho mu ikipe ya Dreams FC yo muri Ghana.

Uyu yaba abaye umukinnyi wa kabiri wa Rayon Sport uguzwe n’ikipe yo mu Bushinwa, kuko Jules Ulimwengu, rutahizamu wafatanyaga na Sarpong nawe aherutse kugurwa n’ikipe yaho, ndetse yagiye mu isuzuma ry’ubuzima.

Sarpong yari mu bakinnyi ngenderwaho muri Rayon Sports
Abafana b'ikipe nshya ya Sarpong
Stade Sarpong agiye kujya akiniraho

Kwamamaza

Kwamamaza

Kwamamaza

TANGA IGITEKEREZO

AMATEGEKO AGENGA IYANDIKA RY'IGITEKEREZO CYAWE

Kwamamaza

Special pages
. . . . . .