Mazimpaka André yasabye Musanze FC kumwishyura amafaranga yaguzwe na Rayon Sports

Yanditswe na Eric Tony Ukurikiyimfura
Kuya 8 Nzeri 2020 saa 04:04
Yasuwe :
0 0

Umunyezamu wa Gasogi United; Mazimpaka André, yandikiye Musanze FC ayisaba kumwishyura miliyoni 1.4 Frw yagombaga guhabwa ubwo yagurwaga na Rayon Sports mu mpeshyi ya 2018.

Mazimpaka André yavuye muri Musanze FC agifite amasezerano y’umwaka umwe, atanzweho miliyoni 2 Frw.

Mu ibaruwa yanditse kuri uyu wa Kabiri, IGIHE yabonye, Mazimpaka yagize ati “kwishyuza ijanisha ku masezerano twagiranye.”

Uyu munyezamu avuga ko ashingiye ku masezerano yagiranye n’ikipe ya Musanze FC mu gika cya kane, avuga ko “Igihe mungurishije mu yindi kipe, ikipe ya Musanze FC ifata 30% yayo naguzwe ,andi 70% akaba ayanjye.”

Mazimpaka André yakomeje avuga ko ubwo yavaga muri Musanze FC muri Nzeri 2018, aguzwe miliyoni 2 Frw, yakabaye yarahawemo miliyoni 1.4 Frw, ikipe igasigarana ibihumbi 600 Frw bingana na 30%.

Ati “Nshingiye ko twabanye neza tukanatandukana neza nkaba nifuje ko iki kibazo twagikemura mu bwumvikane nta mananiza ku mpande zombi abayeho kigakemurwa mu gihe cy’iminsi 15.”

Mazimpaka André yavuye muri Rayon Sports mu kwezi gushize, nyuma yo gusoza amasezerano y’imyaka ibiri muri iyi kipe yahesheje igikombe cya Shampiyona ya 2018/19, umwaka w’imikino yakinnye imikino 18 atinjizwa igitego.

Uyu munyezamu wamaze gusinyira Gasogi United, aherutse kandi kwandikira FERWAFA, asaba ko yishyurwa na Rayon Sports ibirarane by’imishahara imubereyemo.

Umunyezamu Mazimpaka André yasabye Musanze FC kubahiriza ibyo bari barumvikanye mu masezerano, agahabwa miliyoni 1.4 Frw
Mazimpaka André watwaranye na Rayon Sports igikombe cya Shampiyona ya 2018/19, kuri ubu ni umunyezamu wa Gasgo United

Kwamamaza

Kwamamaza

Kwamamaza

TANGA IGITEKEREZO

AMATEGEKO AGENGA IYANDIKA RY'IGITEKEREZO CYAWE
Kwamamaza

Special pages
. . . . . .